jueves, 13 de febrero de 2014

No faladoiro de Radio Voz


Esta mañá, desde as 8,30 tivemos en Radio Voz o habitual faladoiro que dirixe Antia Díaz Leal. 

A moderadora propúxonos en primeiro lugar, falar da operación "Pokemon" e das declaracións de varios implicados que estes días se fixeron públicas. Dixen que é un sumario complexo e en fase de instrución no que hai declaracións autoinculpatorias, na que dirixentes de Vendex recoñecen que fixeron pagos a políticos e funcionarios para que os intereses desta compañía víranse favorecidos. 

E que hai algunhas persoas que recoñecen recibir estes pagos, pero que outros o negan con rotundidade.

Polo tanto debemos estar ao resultado final deste sumario e a sua elevación ao Tribunal que ha de ocuparse do seu axuizamento e si hai probas, condenar con contundencia aos delincuentes.

Falamos tamén do Pleno do Congreso, que o pasado martes rexeitou, co voto de 178 deputados populares presentes, unha iniciativa socialista que pedía a retirada do Anteproxecto de Lei do Aborto por 183 votos en contra, 151 votos a favor e 6 abstencions.

Lamentei a forma de facer oposición do PSOE que se centra únicamente en pedir a retirada de boa parte das leis que propón o Goberno, anunciando a súa derrogación ata antes de que cheguen ao Parlamento e ata antes de que sexan Anteproxecto.

Dixen que non é entendible nin democrático que o PSOE busque con esta iniciativa non modificar o citado Anteproxecto de Lei, non reflexionar ou profundar ou dialogar sobre el, senón que queren retiralo só para que non haxa debate.

Desde o GPP xa dixemos que o texto é susceptible de debate, de mellora, de novas achegas e de diversos enfoques e, con esa idea, tendemos a man do diálogo ao resto dos grupos para alcanzar a solución que satisfaga a todas as sensibilidades.

Recordei que cando os socialistas aprobaron a anterior reforma, esta non figuraba no seu programa e levárona ás agachadas do seu propio electorado, ningún ministro veu comparecer ao Congreso e só cando a lei xa estaba aprobada e publicada no BOE a ministra Aído acudía á Cámara a despachar as comparecencias que tiña pendentes.


Nos últimos minutos falamos da reforma do Regulamento do Congreso, que o meú Grupo Parlamentario considera moi oportuna.


Si desexa facer algún comentario poder enviar un correo a celso.delgado@congreso.es 
Recibirá resposta.