Considero un feito moi relevante a reunión que hoxe
mantiveron na Moncloa o presidente do Goberno, Mariano Rajoy, e o presidente da
Comisión Europea, José Manuel Durao Barroso.
Na comparecencia conxunta que ambos ofreceron ao termino da reunión, houbo mensaxes de interese.
Mariano Rajoy resaltou que as reformas acometidas tanto a nivel europeo como nacional nos dous últimos anos "están dando finalmente os seus froitos". "Grazas aos grandes esforzos que levamos a cabo en España, a nosa economía está mostrando signos inequívocos de recuperación tras anos de recesión".
Manifestou que "o groso do traballo xa está ás nosas costas", pero aínda quedan moitas cousas por facer. Neste sentido afirmou que o Executivo seguirá traballando sen tregua en aras do seu principal obxectivo, "a creación de emprego de calidade especialmente entre os mozos".
"Aínda que a evolución dos datos recentes poñen de manifesto unha freada na destrución de emprego, este Goberno non cederá no seu empeño de defender nas instancias decisorias da Unión Europea a necesidade de redoblar os recursos destinados a este obxectivo, como demostra o acordado desembolso ao longo deste ano, a petición de España, dos 6.000 millóns de euros da iniciativa de emprego xuvenil", dixo.
O presidente engadiu que na Unión Europea restableceuse a confianza na estabilidade e integridade do euro e se acordaron, nos prazos previstos, "os mecanismos e instrumentos dunha unión bancaria que dotará de estabilidade á moeda común e que contribuirá ao restablecimiento dos fluxos de financiamento necesarios para o crecemento e para a creación emprego".
Respecto diso, sinalou que se pasou de falar de falar exclusivamente de austeridade a poñer en marcha iniciativas para o crecemento e o emprego, como a iniciativa de emprego xuvenil e de financiamento ás pymes".
Citar tamén aqui que José Manuel Durao Barroso, foi premiado onte pola Academia Europea de Yuste co “Premio Europeo Carlos V” pola súa “traxectoria e o seu compromiso na política de unificación europea, o seu traballo a favor da participación cidadá no proceso da integración europea, e o seu compromiso por achegar Europa aos seus cidadáns buscando sempre o interese común por encima de intereses individuais”.
E que no seu discurso Barroso, deu mensaxes importantes.
Citou unha frase de Cervantes “o que tropeza non
cae, adianta camiño” e engadiu “Europa tropezóu, pero non caeu. Europa deu
grandes pasos adiante.” E fixo unha referencia directa aos cidadáns europeos,
incluídos os españois e os portugueses, “que non son responsables da crise e
que no entanto son, con demasiada frecuencia, as súas primeiras vítimas.”
Referiuse á resposta europea solidaria e responsable sen precedentes, que tivolugar nos últimos cinco anos baixo o impulso da Comisión Europea, que mobilizou uns 700.000 millóns de euros para impedir “a caída dos países máis afectados pola crise, incluíndo unha axuda específica para reforzar o sector financeiro español”. E tamén aos considerables esforzos realizados por algúns Estados membros, entre eles España e Portugal, para reformar a súa economía. E, á movilización de recursos adicionais para loitar contra a grave situación de desemprego xuvenil nos Estados membros máis afectados.
Barroso afirmou que “Os mercados acougáronse e apareceron os primeiros signos
de recuperación. Os países máis vulnerables pagan menos polos seus créditos e
as perspectivas económicas melloran paulatinamente. No caso de España, a prima
de risco estaba a semana pasada no 3,91 %, o seu nivel máis baixo desde maio de
2010. As exportacións españolas progresan e as de bens e servizos aportan xa o
33% do PIB, o que supón un máximo desde a introdución do euro". Aínda que “o
paro constitúe hoxe o maior drama ao cal enfróntase Europa”.
Si desexa facer algún comentario poder enviar un correo a celso.delgado@congreso.es
Recibirá resposta.
