Hoxe todos os medios dan conta da comparecencia de
onte do presidente do Goberno, Mariano Rajoy na que fixo balance do ano 2013 e,
ao mesmo tempo, suscitou algunhas ideas de cara ao futuro.
Comezou dando as grazas a todos, a traballadores, autónomos, funcionarios públicos
e empregados públicos, empresarios, pensionistas - en definitiva, a todos os
españois - a súa comprensión, o seu sentido común, a súa coraxe e a súa
responsabilidade para afrontar o final desta etapa que foi tan dura, tan longa
e tan difícil, porque, si 2012 foi o ano do axuste, o ano 2013 foi o ano das
reformas e o 2014 será o ano do inicio da recuperación económica no noso país.
Dixo que acaba 2013, cunha notable corrección dos desequilibrios da nosa economía. É dicir, que pechamos o ano cunhas bases moito máis sólidas para a recuperación económica “Deixamos atrás a recesión e no segundo semestre deste ano, aínda que é verdade que aínda de forma modesta, a economía española recuperou o crecemento e, xa que logo, estamos en condicións de afirmar que asistimos a un claro cambio na situación”
Constatou que “seguimos avanzando no control das contas públicas, axustando máis os gastos aos ingresos. Todas as Administracións colaboraron nesta tarefa que non é grata nin é fácil, pero era e segue sendo absolutamente imprescindible. Os esforzos máis duros xa os fixemos, pero non podemos relaxarnos neste asunto, porque sería tanto como botar a perder o enorme traballo realizado ata o día de hoxe”
Mencionou os mecanismos de liquidez -o FLA e o Plan de Proveedores- postos en marcha para axudar ás Comunidades Autónomas e ás Entidades Locais a cubrir as súas necesidades de financiamento e poder facer fronte aos seus compromisos cos seus proveedores. E recordou que esas medidas ascenden a máis de 105.000 millóns de euros e evitaron durante os anos 2012 e 2013 a perda de catrocentos mil postos de traballo e unha caída de tres puntos no PIB do noso país, ademais de crébaa de moitas institucións públicas.
Aludiu a que estamos rexistrando cifras históricas de crecemento das nosas exportacións. Os últimos datos coñecidos e relativos ao mes de outubro sinalan un crecemento medio superior ao 6 por 100. “A potencia das nosas exportacións, conseguida a base de gañar competitividade, supón xa o 35 por 100 do noso PIB. Eu confío en que a recuperación económica de Europa, o noso principal cliente, permita manter a fortaleza do noso sector exterior”
Deu conta de que creceu extraordinariamente o investimento estranxeiro en España e este é un dato tamén moi positivo. Os últimos datos sobre investimento produtivo, referidos ao terceiro trimestre do ano 2013, mostran un nivel de recuperación do 76 por 100 en taxa interanual.
E engadiu que “a corrección destes desequilibrios está mellorando a percepción do noso país en todos os mercados internacionais. Nos últimos tempos as tres axencias de rating revisaron ao alza a nosa cualificación e a prima de risco, que hoxe está por baixo de 230 puntos básicos, reduciuse drásticamente respecto ao nivel que chegou a alcanzar nos momentos máis difíciles da crise de débeda"
Sobre as cifras da macroeconomía dixo que afectan moito aos españois:
”- Si a inflación acaba subindo apenas unhas décimas, algo que prácticamente non ocorrera nunca en España en muchísimos anos, é bo. É bo para todo o mundo, pero especialmente para os pensionistas que este ano non viron mermado o seu poder adquisitivo.
- Si a prima de risco baixa e podemos financiarnos máis barato, como sucedeu este ano, liberamos recursos que, no canto de irse a pagar intereses, poden ir a outras partidas sociais. O aforro experimentado este ano grazas á baixada da prima foi de 8.700 millóns de euros.
- Si a competitividade da nosa economía crece, como está crecendo, ata recuperar os niveis da nosa entrada no euro, poderemos mellorar as nosas exportacións, vender máis cousas fose e recibir tamén máis investimentos dentro do país. Isto é exactamente o que está pasando en España”
Afirmou que se están sentando as bases da recuperación, pero que “non é menos certo que no obxectivo fundamental desta Lexislatura, crecer e crear emprego, aínda estamos moi lonxe de alcanzar o nivel que perseguimos. Polo tanto, non podo, nin moito menos, considerarme satisfeito coa situación”
Recordou que este ano saimos da recesión e nesta segunda metade do ano xa estamos crecendo.
E en canto ao emprego, dixo que espera que, “cando acabe 2013, o número de parados inscritos nos registros dos Servizos Públicos de Emprego será inferior ao do ano pasado. E isto non ocorría en España desde 2006. Tamén os datos da Seguridade Social, que van ser bos, permítennos aventurar que en poucos meses o número de cotizantes comezará a crecer de forma consistente”
Fixo tamén un repaso ao paquete de medidas e reformas afrontadas ao longo deste ano:
”- Completouse a reforma do sistema financeiro e aprobáronse medidas para mellorar a súa solvencia e o seu goberno corporativo. - Así mesmo, acabamos de aprobar novas medidas para mellorar a reforma laboral, que, por certo, mereceu unha valoración moi positiva por parte da OCDE.
- Aprobouse a Lei de Mellora da Calidade do Ensino, a reforma local e a Lei de Control da débeda comercial do sector público.
- Tamén finalizou a reforma do sistema de pensións, que inclúe o factor de sostibilidade e un novo sistema de revalorización das mesmas.
- A reforma do sector eléctrico, que pechou o déficit para 2014, a Lei de Garantía da Unidade de Mercado, a Lei de Emprendedores e outras reformas en materias de medio ambiente e transporte.
- E a reforma das Administracións Públicas, que é un proxecto de enorme complexidade, que ningún Goberno atreveuse antes a abordar e que, de xeito transversal, vai inspirar a acción do meu Goberno ata o final da Lexislatura".
Ademais, dixo que aprobaron ao longo deste ano un paquete de iniciativas para mellorar a transparencia e o control da vida pública: "a Lei de Transparencia, a Lei de Control da actividade económica e financeira dos partidos políticos e a Lei que regula o exercicio do cargo público. Estas reformas completaranse en breve con outras modificacións que se incluirán na reforma do Código Penal e da Lei de Axuizamento Civil”
Concluíu dicindo: “fai un ano aquí díxenlles a vostedes que este ano 2013 ía ser moi duro, sobre todo na súa primeira metade, nos seus primeiros seis meses; pero tamén lles dixen que as cousas empezarían a mellorar na segunda metade do ano. Pois ben, os feitos déronnos a razón. Con ese aval hoxe podo dicir que 2014 será un ano moito mellor, con máis actividade e con máis crecemento da economía. E o ano que vén, cando compareza de novo ante vostedes, haberá en España menos persoas en paro e máis persoas traballando e cotizando á Seguridade Social.
Coa mesma certeza e confianza con que fai un ano dicíalles que as cousas ían
mellorar, agora dígolles que temos xa un fundado dereito á esperanza e, sen
risco de faltar á verdade, que o ano que vén será mellor que este; un ano no
que definitivamente deixaremos atrás medos e incertezas e volveremos recuperar
ese ben tan preciar que é a confianza.
O reto é que esa recuperación prodúzase
coa maior intensidade posible. Traballaremos para que así sexa e, entre outras
medidas, o Goberno prepara xa a reforma tributaria que terá como principal
obxectivo aliviar a carga fiscal das familias e estimular a actividade económica"
Si desexa facer algún comentario poder enviar un correo a celso.delgado@congreso.es
Recibirá resposta
