En términos interanuais, o PIB diminuíu un -1,1%, medio punto menos que no trimestre anterior. Na zona euro o crecemento intertrimestral foi tamén do 0,1%.
Afirmou o secretario de Estado de
Economía e Apoio á Empresa, Fernando Jiménez Latorre que no terceiro trimestre de 2013 a economía
española saíu técnicamente da recesión grazas a que o consumo e o investimento
rexistraron taxas de crecemento positivas.
Neste periodo non se destruíu emprego en términos de contabilidade nacional, e continúa a mellora nas contas externas.
Neste periodo non se destruíu emprego en términos de contabilidade nacional, e continúa a mellora nas contas externas.
Sobre estas bases máis sólidas, Jimenez Latorre, manifestou que “esperamos
iniciar un proceso de crecemento económico sostido para o que é preciso
continuar coa consolidación fiscal e as reformas estructurales”.
Outra excelente nova coñecida hoxé foi que a economía
galega rexistrou taxas positivas de crecemento durante o terceiro trimestre do
ano, o que supón que, por primeira vez dende o ano 2011, o Produto Interior
Bruto (PIB) de Galicia medra en comparación co trimestre anterior. Así mesmo, a
economía galega tivo unha evolución interanual mellor que a estatal, o que lle
permite manter o diferencial positivo co conxunto de España.
Segundo os datos publicados hoxe polo Instituto Galego de Estatística (IGE)
correspondentes ao terceiro trimestre de 2013, o PIB galego rexistrou unha
variación intertrimestral do 0,1%. Este dato coincide co comportamento do PIB
estatal no mesmo período, e significa que por terceiro trimestre consecutivo a
evolución intertrimestral é mellor que no período anterior.
Os datos do IGE tamén indican que a evolución da economía galega no último
ano segue a ser mellor que a do conxunto do Estado. De feito, a evolución
interanual do PIB autonómico no terceiro trimestre (-0,9%) foi dúas décimas
mellor que a media española (-1,1%), polo que o diferencial positivo mantense respecto ao segundo
trimestre.
Ademais, o comportamento interanual da economía galega segue mellorando
respecto aos meses anteriores. O dato do terceiro trimestre en Galicia é medio
punto mellor que no segundo trimestre e sete décimas mellor que no primeiro
trimestre. Por iso, as cifras feitas públicas hoxe polo IGE mostran que se está
a producir un cambio de tendencia na economía galega, e que a Comunidade galega
afronta o inicio da recuperación económica.
Galicia vén mantendo o diferencial positivo en todo este 2013 e tamén
pechará o ano en mellor posición que España, cumprindo as previsións para o
presente exercicio. Ademais, a estimación para o 2014 indica que a economía
galega seguirá tendo mellor comportamento que a media estatal, e que o PIB
galego recuperará taxas interanuais positivas.
Segundo o IGE, as exportacións de bens e servizos no terceiro trimestre do ano medraron en Galicia un 9,6% en comparación co mesmo período do ano pasado, mentres que o sector primario rexistrou taxas positivas por primeira vez dende 2012.
Unhas moi boas novas que desexo sigan nos vindeiros trimestres.
Segundo o IGE, as exportacións de bens e servizos no terceiro trimestre do ano medraron en Galicia un 9,6% en comparación co mesmo período do ano pasado, mentres que o sector primario rexistrou taxas positivas por primeira vez dende 2012.
Unhas moi boas novas que desexo sigan nos vindeiros trimestres.
Si desexa facer algún comentario poder enviar un correo a celso.delgado@congreso.es
Recibirá resposta
