Homenaxe a José Posada, impulsor do Marron Glacé con castaña galega

Hoxe acudín ao Liceo de Ourense, para acompañar á familia do empresario José Domingo Posada González, falecido en xaneiro, nunha homenaxe á súa persoa, ao que asistiron os seus achegados, coñecidos e amigos, coincidindo coas datas do Magosto de Ourense, como vínculo e unión da castaña ourensana coa súa figura.

Durante a homenaxe proxectáronse uns videos sobre o seu legado e traxectoria: entre outros cargos, Pepe Posada foi Eurodiputado en duas lexislaturas do Parlamento Europeo, presidente da Asociación de Empresarios do Polígono de San Cibrao das Viñas, vocal e representante da Comisión de Comercio Exterior da Cámara de Comercio e Industria de Ourense, xerente da Cooperativa do Ribeiro, Secretario perpetuo da Irmandade dos Vinhos Galegos, e creador e impulsor do Marron Glacé con castaña galega, para a súa posterior exportación internacional. Ademais de galeguista, escritor (recomendo a lectura da “Metafísica do Viño”), políglota e humanista.
 
Sen dúbida soubo recibir a extraordinaria influencia da sua ilustre dona, Maria do Carmo Henríquez Salido. 
 

http://www.posadamg.com/spa/inmemoriam.php

Ademais das palabras do seu fillo e do seu irmán, escoitamos a varios amigos como José Fernández Anguiano e Nemesio Barxa, representantes do mundo empresarial como o vicepresidente dos empresarios do Polígono San Cibrao e de Celso Barbosa, presidente da Cámara, do dirixente de Compromiso por Galicia Xoxé Pérez Bouza, así como varios clientes internacionais da castaña coas cales José Posada tivo relación durante toda a súa traxectoria profesional, a través da súa empresa, Posada Marrón Glacé S.L., desde o Sr. Shingo Kamada, presidente da Asociación da castaña Xaponesa (Kuri Udo), ou o Sr. Oleg Dedov, representante da franquicia Kashtanoff en Rusia e Pan Kashtan en Ucrania, de Calabria, Italia, así como un representante luso da Cofradía Ibérica da Castaña, e o secretario de Estado da Presidencia da República de Angola, Indio Kamauc.

Todos eles renderon a súa homenaxe a este gran "embaixador" de Ourense, que soubo vender durante toda a súa vida persoal e profesional os produtos autóctonos que se xeraban, desde viños do Ribeiro, pasando polos Grelos ata chegar ás castañas co Marron Glacé, creando o seu valor engadido para chegar a competir no mesmo nivel que outros productores internacionais.

Afortunadamente o seu legado empresarial terá continuidade na persoa dos seus fillos que afrontan nestes días a nova colleita de castaña. Moita sorte nesa andaina.

Si desexa facer algún comentario poder enviar un correo a celso.delgado@congreso.es 

Recibirá resposta