Tokio será a sé dos Xogos Olímpicos e Paralímpicos de Verán de 2020

Non foi posible. 

Os electores do Comité Olímpico Internacional, reunidos onte en Bos Aires, decidiron que Tokio sexa a sé dos Xogos Olímpicos e Paralímpicos de Verán de 2020. Unha gran cidade que xa foi sé duns Xogos en 1964 e á que procede felicitar. 


Tras unha primeira rolda na que a capital de Xapón obtiña o seu pase á seguinte e Madrid e Estambul empataban, procedeuse ao desempate entre estas cidades candidatas. 

Finalmente, a capital de España caeu eliminada por 49-45. Estambul saíu ampliamente derrotada na segunda rolda ante o empuxe nipón. 

Sen dúbida a crise económica que vive o noso país, o interese de varias cidades europeas por ser sé dos futuros Xogos de 2024 e a "regra consuetudinaria" da rotación de continentes influíron no voto do COI. 

Madrid presentou unha candidatura sólida, segura e fiable como puxo en evidencia o informe da Comisión de Avaliación do COI. Ademais contaba co apoio de todas as forzas políticas e sociais e cunha base financeira razoable, pois o 80% do investimento necesario xa existe e o pouco que aínda quedaba estaba plenamente garantido polo Goberno de España. 

En definitiva tratábase dun proxecto con sentido, austero e eficiente e con amplísimo respaldo cidadán.

Así que logo de traballar tanto, a non elección de Madrid, é unha gran decepción, que hai que encaixar con espírito olímpico e deportivo. 

Agradecer o traballo de toda a delegación española, un equipo moi cohesionado, sólido e profesional, liderado polo Príncipe de Asturias, que fixo unha inmellorable presentación.


Si desexa comentar esta entrada, pode escribir un correo a celso.delgado@congreso.es

Recibirá resposta. Grazas.
Con la tecnología de Blogger.