Na Convención de Cargos Públicos do PPOU

Participei esta mañá na III Convención de Cargos Públicos do PPOU, que tivo lugar nos Milagros, cita tradicional dos populares ourensáns.

Deu a benvida benvida o alcalde de Baños de Molgas, Eladio Mangana, aos varios centos de asistentes (cargos públicos, militantes, afiliados e simpatizantes).

Interviron logo, José Luis Ferro, alcalde de Celanova; Gabriel Alén, alcalde de Cenlle; Luz Doporto, voceira de Allariz; Plácido Álvarez, portavoz do PP na Deputación de Ourense e alcalde de Muiños; e Cristina Romero, deputada autonómica e voceira do PPPOU.

Tralos relatorios, o presidente provincial, Manuel Baltar, recalcou que a convención desta mañá foi, sen dúbida, a cita política por excelencia da provincia e de todas as forzas políticas. 

Lembrou que o PPOU sigue mellorando resultados comicio tras comicio e que se conquire "porque o PP de Ourense conta cos mellores equipos, eses que saben que hai que estar coa xente para escoitar e das respostas. Son os alcaldes e alcaldesas, así como os voceiros, os principais activos".

"A política non se vai de vacacións, e o PP traballa día a día, organizando o partido a nivel provincial, con diversos congresos locais. Outros partidos están a outras cousas. Hai que extremar a cercanía, falar está ben, pero escoitar é moito mellor", sinalou Manuel Baltar. 

Tamén amosou o agradecemento a todos os homes e mulleres que traballan día a día, orgullosos de pertencer ao PP nestes tempos difíciles. "Hai que ter ideas e poñelas en práctica: programas electorais e feitos. E tamén que a época de crise é o gran momento da política en maiúsculas, con sentido común e realismo".

Aínda que o momento economico actual é difícil, recoñeceu Manuel Baltar os esforzos do Goberno de Rajoy en Madrid e do Goberno Autonómico, así como o traballo diario máis en clave provincial, dos alcaldes e dos membros do goberno provincial.

Queremos unha Galicia vencellada á terra, que non sexa limitadora nen intransixente. Concluiu Manuel Baltar dicindo que "Hoxe, reafirmamonos no noso compromiso con Ourense e con Galicia".

Pechou a Convención o presidente do PPdeG, Alberto Núñez Feijóo, transmitindo a mensaxe principal do partido : "Imos traballar por e para os cidadáns", en consecuencia á confianza depositada no PP. "Non podemos defraudar, demos ser dignos desa confianza e estar á altura das circunstancias". "Respetaremos as ilusións e as esperanzas da xente, pero sen mentiras: contando a verdade de cómo imos reverter o difícil momento económico no que nos atopamos". 

Por eso, pediu a todos os cargos populares que sigan por esta senda, dando como clave a cooperación e facer máis con menos, unha mensaxe de responsabilidade que Feijoo suscribe plenamente. Non hai que aproveitar a zozobra do país para facer desunión, senón todo o contrario: "Na unión, serenidade e colaboración están os pilares deste curso político", recalcou Feijoo. "Imos seguir traballando, e nos momentos de dificultade se ve a grandeza dos pobos e das organizacións políticas". Tamén lembrou as vítimas do accidente ferroviario e dixo que os galegos non só amosaron a súa grandeza ante esta inmensa desgracia. 

"Estamos obsesionados con combatir os problemas da xente, principalmente o paro, que é o que máis preocupa á xente. Combatimos as dificultades axidando, no momento peor, a quen peor o está pasando. Temos que combatir as dificultades gastando menos en nós mesmos, a nós nos toca pagar o quedeixaron a deber outros, a pesares de que Galicia é a segunda comunidade autónoma na que menos medrou a débeda pública nos últimos cinco anos", dixo o presidente dos populares galegos.

 Abogou tamén polas ideas, para incentivar a recuperación económica, polo que animou a mimar e potenciar a todo aquel que aposte polas ideas que revortan na mellora do benestar dos galegos. E non esqueceu a necesidade de combatir aos que atentan contra o noso patrimonio natural, cunha encendida defensa dos montes e da persecución implacable dos incendiarios.

http://www.crtvg.es/informativos/feijoo-defende-a-legalidade-da-politica-lingueistica-da-xunta-666842

 Si desexa comentar esta entrada, pode escribir un correo a celso.delgado@congreso.es 
 Recibirá resposta. Grazas.
Con la tecnología de Blogger.