A intervención final foi a do Secretario de Estado de Comercio, Jaime García-Legaz, que afirmou que as Camaras terán un papel central para rexenerar o tecido empresarial e produtivo, un 15% que se destruíu desde 2008 e que por iso se converterán no Portelo Único Empresarial das Pemes e prestarán servizos aos emprendedores que queiran pór en marcha un novo negocio.
Así mesmo, o Secretario de Estado anunciou que a nova Lei de Cámaras verá a luz antes que acabe este ano e que en 2013 as Cámaras terán un horizonte claro e serán fundamentais para a recuperación económica.
Detallou os puntos fundamentais que contemplará a nova Lei:
- As Cámaras manterán a súa natureza de Corporación de Dereito Público
- As direccións territoriais do ICEX intégranse nas Cámaras de Comercio.
- A prestación de servizos ás pemes debe ser o obxectivo das Cámaras, que están chamadas a xogar un papel esencial no recoñecemento social do emprendedor e no cambio de mentalidade dos mozos cara ao emprendimento.
- As Cámaras de Comercio converteranse en ferramentas de difusión da Formación Profesional Dual.
- As direccións territoriais do ICEX intégranse nas Cámaras de Comercio.
- A prestación de servizos ás pemes debe ser o obxectivo das Cámaras, que están chamadas a xogar un papel esencial no recoñecemento social do emprendedor e no cambio de mentalidade dos mozos cara ao emprendimento.
- As Cámaras de Comercio converteranse en ferramentas de difusión da Formación Profesional Dual.
- Mediación e arbitraxe. As Cámaras serán sedes naturais de mediación para desconxestionar os xulgados.
- Apoio á internacionalización como instrumento complementario ás políticas gobernamentais para vender máis e mellor no exterior. España está moi endebedada, o sector exterior vai ben, pero ten que ir mellor: sumar á base exportadora un maior número de pemes. Falta base Exportadora, por iso apoiarémonos nas Cámaras pola súa capilaridade, recalcou.
- Cambio de denominación: pasaran a denominarse, Cámaras Oficiais de Comercio, Industria e Servizos.
- Transformación do Consello na Cámara de Comercio de España, que servirá para vertebrar toda a rede exterior de Cámaras que, actualmente non responde a directrices homoxeneas. Seguirase o modelo austriaco e servirán de apoio as Oficinas comerciais españolas.
Espero a chegada ao Congreso do anunciado proxecto de lei que tras a súa tramitación parlamentaria deberá outorgar ás Camaras un novo marco xuridico tras a aprobación do Real Decreto-Lei 13/2010 que permita que estas institucións que existen en todos os países do mundo, sigan desenvolvendo funcións e servizos con eficiencia e eficacia ao servizo das empresas.
