Na 50 edición da Festa do Polbo de O Carballiño

Hoxe estiven no Carballiño participando na 50 edición da Festa do Polbo, que pese a crise económica tivo unha amplia participación de preto de 80.000 persoas que gozaron o manxar carballiñés, o polbo a feira.

No acto inaugural o alcalde do Carballiño, Argimiro Marnotes,  agradeceu á directora xeral de Turismo, que se conseguira este ano a declaración de festa de interese nacional, algo que tamén destacou Carmen Pardo, pois esta a única festa con esa declaración de cantas se celebran no verán na provincia de Ourense.

A festa foi adicada este ano, ás pulpeiras de Arcos, de xeito que no acto inaugural pronunciou unhas palabras a pulpeira máis antiga do Carballiño, Morocha, que ten 89 anos, e que aparece chea de vitalidade nesta foto.

Despois do xantar foi anunciado polo alcalde a quen se dedicaría a próxima edición: será Vigo a cidade á que se dedicará a 51 edición da Festa do Polbo.

Noraboa aos organizadores, en especial a concelleira de turismo Pilar Caride.