Así sabemos que o Ministerio, a través do seu organismo de conca, achegará un 65% dos 1,8 millóns de euros do investimento total prevista, a través de Fondos FEDER. Mentres, o Concello do Barco de Valdeorras asumirá o 35% restante do orzamento fixado.
Agora toca que a Confederación Hidrográfica asine en breve o convenio de colaboración co Concello para acometer esta actuación e, posteriormente, proceder á contratación do proxecto de construción.
Na nota do ministerio infórmase que as actuacións que levarán a cabo consisten, basicamente, nunha mellora xeral do sistema de control da instalación e do seu equipamento eléctrico, así como a execución dun novo pretratamiento, substituíndo ao actual, que permita tratar o caudal máximo en tempo de choiva.
A estación depuradora tamén mellorará e reforzará o reactor biolóxico existente dotándoo dun novo sistema de aireación, e ampliarase a decantación secundaria coa construción dun novo decantador. Tamén se prevé a execución dun depósito anaerobio que posibilite a eliminación biolóxica de fósforo.
Pola súa banda o Concello do Barco de Valdeorras realizará as xestións de cesión dos terreos para a execución destas obras.
Celebro este anuncio xa que este investimento é moi necesaria para mellorar a depuración das augas residuais na importante vila do Barco de Valdeorras.
