miércoles, 18 de enero de 2012

Na presentación de Termatalia 2012


Hoxe acudín a FITUR, en IFEMA e na caseta do Ministerio de Agricultura, Alimentación e Medio Ambiente, asistín á presentación de Termatalia, Feira Internacional de Turismo Termal, que dá o salto nesta edición de 2012 e pasará a celebrarse do 20 all 22 de setembro en Lima Perú.

Vai ser coorganizada entre Termatalia, o Ministerio de Comercio Exterior e Turismo de Perú (MINCETUR) e PROMPERÚ.

O acto foi presidido pola secretaria xeral de Turismo da Xunta de Galicia, Carmen Pardo, e tamén interviñeron a subdirectora de Desenvolvemento e Innovación Turística de Turespaña, Elena Valdés, o director do Observatorio Nacional de Termalismo, Xavier Ballbé, o presidente da Cámara de Comercio de Ourense e do comité executivo de Expourense, Celso Barbosa, e a tenente alcalde de Ourense, Isabel Pérez. Perú estivo representado pola Directora Nacional de Desenvolvemento Turístico de PROMPERU, Jessica Soto.

Certamente esta novidade ao decidirse a súa celebración en Perú supón cambio cualitativo para Termatalia e confíase en que esta feira especializada no Turismo Termal conecte a tradición de Europa e as potencialidades de América Latina co obxectivo captar novos investidores e de proxectarse internacionalmente como Destino Sostible, ademais de crear unha marca de "País termal" e situarse neste continente como líder no desenvolvemento do termalismo.

Os meus mellores desexos para Alejandro Rubín e todo o seu equipo.