Anuncio de licitación de obras na plataforma do AVE da Meseta



O venres no Consello de Ministros autorizou ao Ministerio de Fomento a licitar, a través de ADIF, a construción de dous novos tramos da plataforma na Liña de Alta Velocidade Madrid-Galicia, nas provincias de Zamora e Ourense, cun investimento conxunto de 175.201.742 euros.

Trátase dos seguintes tremos:

- Requejo-Túnel de Padornelo, de 4,1 km de lonxitude e que discorre polo termo municipal de Requejo, na provincia de Zamora, conta cun orzamento de licitación de 85.599.463,3 euros. O proxecto contempla a construción neste tramo do viaduto dos Pedregales (880 m de lonxitude) e a execución do túnel de Requejo, de 2.404,5 m de lonxitude.

- Túnel do Cañizo (vía esquerda), de 5,6 km de lonxitude, cun orzamento de licitación de 89.602.278,8 euros, IVE incluído, e discorre polos termos municipais da Mezquita e A Gudiña; ambos os situados na provincia de Ourense. O proxecto contempla a construción neste subtramo do Túnel do Cañizo (vía esquerda), de 5.369,9 m de lonxitude.

Falamos pois dun anuncio - que deberá agora materializarse mediante a publicación no BOE da licitación, -  e que celebramos como positivo.

Recordo, con todo,  que no Pacto do Obradoiro estaba prevista que estas duas licitacións tiveran lugar antes do 31 de decembro de 2010.

Con la tecnología de Blogger.