Montoro cualificou de "gravísima" a subida porque vai prexudicar á crise económica reducindo a capacidade adquisitiva de fogares, autónomos, empresas e PEMES.
Afirmou que existe unha causa de raíz, que é o custo das fontes de enerxía que se están utilizando no noso país e que mentres isto non se atenda é posible que siga subindo ese déficit tarifario, é dicir, a diferenza entre os custos de produción da enerxía eléctrica e a súa repercusión en tarifas.
O noso portavoz económico do PP mostrou un gráfico explicativo - tomando como fonte a Comisión Nacional da Enerxía - de como evolucionou o déficit tarifario en España.
No gráfico queda demostrado que desde o ano 2000 realmente hai moi pouco déficit tarifario, precisamente cando as tarifas eléctricas baixaban en España como consecuencia da política do Goberno do Partido Popular e que só nun ano, o 2002, alcanzou unha cifra superior aos 1.000 millóns de euros, que se titularizaron, é dicir, que isto quedou absorbido na propia evolución do sector eléctrico do noso país, e que nos anos 2003 e 2004 non houbo ningún déficit tarifario.
É a partir do ano 2005 e sucesivos - baixo mandato socialista - cando se dispara como consecuencia dunha política enerxética cargada de ideoloxía e falta de realismo económico, é dicir sen ter en conta cales son os custos de produción e cun discurso político que nos vai levando a un encarecemento da enerxía en España ano a ano.
Ademais insistiu, en que as empresas enerxéticas do noso país teñen un gravísimo problema de clarificar o seu horizonte de financiamento, e os investidores nacionais e internacionais neste sector necesitan clarificar o seu horizonte.
E terminou Montoro recriminando ao Goberno que non está dicindo a realidade e advertindo que España xa non está para máis ocultamientos, porque estamos nunha situación crítica, nunha encrucillada da crise económica no noso país.
