martes, 15 de septiembre de 2009

¡Alerta: a execución do PXE de 2009 pode non superar o 40% e xerar unha débeda con Galicia de ata 1.300 millóns!


Este martes en rolda de prensa en Santiago declarei que estimamos que o Goberno de Zapatero pode quedar debéndolle a Galicia 1.300 millóns de euros dos Presupostos Xerais do Estado asignados a esta Comunidade para o presente ano.

Segundo os datos que manexa o PPdeG, Galicia está a uns niveis de execución presupostaria que non chegan ao 30%. Polo tanto, é máis que probable que non se peche o 2009 cunha execución superior ao 40%. Isto significaría que dos 2.150 millóns que Zapatero presupostou fai un ano, 1.300 millóns quedarían sen investir, seis de cada diez euros.

A eses 1.300 millóns de euros habería que sumarlles os máis de 2.500 millóns que o Goberno central deixou sen gastar desde que Zapatero é presidente do Goberno.

Así mesmo, engadín que a comunidade galega é maltratada polo Goberno en relación a outras autonomías posto que a licitación de obra por parte de Zapatero en Galicia é 13,71 puntos inferior á do conxunto do Estado. Ademais, o Executivo central licita en Galicia menos este ano que no 2008, cando se aprobou un 61% máis de gasto.

Afirmei que, se fai uns días pediamos que o presuposto de Galicia non fose inferior en 2010 un só euro respecto a 2009, hoxe, non só esixen que Madrid asigne fondos a Galicia, senón tamén que os gaste.

Non hai unha sola das liñas de inversión abertas fai un ano que mereza ser pechada, sobre todo tendo en conta os datos sobre a execución presupostaria de 2009 feitos públicos hoxe e que aconsellan gastar máis en Galicia e desde logo non recortar os orzamentos para 2010.