| Respondió la Conselleira de Vivenda e Planificación de Infraestruturas, María Allegue de este modo no seu primeiro turno: | |
“A posición da Xunta de Galicia sobre a transferencia da AP-9 foi, é, e seguirá sendo inequívoca:
Queremos unha
AP-9 galega, SI!
ISO sí , non queremos calquera transferencia. Queremos unha transferencia plena, con garantías e correctamente financiada.
QUEREMOS unha transferencia acompañada de dotación económica e técnica necesaria para a correcta xestión. QUEREMOS A TRANSFERENCIA QUE GALICIA ACORDOU NESTA CÁMARA POR UNANIMIDADE, NON ESE TEXTO totalmente deturpado por PSOE e BNG co que nos atopamos agora.
E esa diferenza é
fundamental.
Miren, durante anos fomos capaces de construír neste Parlamento
unha posición unánime de país
Pero cando esa proposta
chegou debaterse en Madrid -non sen dificultades, lémbrolles que o debate se
adiou ata en 60 ocasións na Mesa do Congreso- PSOE, BNG e Sumar (que pasaba por alí) decidiron MODIFICAR, ELIMINAR,
aspectos esenciais do texto que saíra de Galicia.
O PSOE e o BNG eliminan
garantías moi importantes.
Desaparece expresamente a obriga do Estado de asumir a supresión do incremento acumulativo do 1 % anual das tarifas; desaparecen expresamente as garantías suficientes para financiar futuras bonificacións; desaparece expresamente a obriga estatal de asumir futuras actuacións e investimentos na autoestrada; e elimínase a garantía expresa fronte ás consecuencias económicas que poderían derivarse dunha eventual nulidade das prórrogas da concesión!!!.
Señorías, a LO aprobada
en Madrid non é só que presente incertezas e claras ambigüidades, senón que ten
claros indicios de inconstitucionalidade.
Atribúen a un acordo
posterior da comisión mixta a quen
corresponden as obrigas financieiras en cada caso.
Establece textualmente que
os límites económicos para o Estado serán os vixentes á data da aprobación da
comisión mixta.
Por iso solicitamos desde a Xunta formalmente a
convocatoria da Comisión Bilateral de Cooperación entre o Estado e Galicia:
Non teríamos que ter
chegado ata aquí se mantivéramos o texto aprobado pola Cámara Galega.
Pero esta é a situación na que nos atopamos agora, e que dilata a verdadeira e viable transferencia da AP 9 a Galicia. Así que acudiremos á Comisión Bilateral que tivemos que solicitar. Un paso co que non contabamos...para resolver as discrepancias e garantir unha transferencia con plena seguridade xurídica e financeira.
Cómpre resolver e aclarar as discrepancias sobre o texto e asegurar que Galicia non herde hipoteca económica algunha.
Eu fágome unha pregunta : por qué o PSOE e o BNG non defenden en Madrid o mesmo que defenderon en Galicia ? Máis nada de momento.”
E no turno de peche dixo:
"Señores deputados. Creo que hai unha pregunta moi sinxela que PSOE e BNG deberían responder: se as condicións desta transferencia son tan boas para Galicia,
Por que un texto vale en Galicia e non en Madrid?. Por que teñen problema en recuperar expresamente as garantías que figuraban no texto aprobado polo Parlamento galego?
Se Galicia non vai
asumir eses custos, POÑÁMOLO POR ESCRITO!! Que quede constancia!!
Se o Estado vai asumir as consecuencias dunha eventual nulidade das
prórrogas da concesión, POÑÁMOLO POR ESCRITO. Non terán problema.
Se o Estado vai asumir
as actuacións e investimentos que necesita a AP-9, POÑÁMOLO POR ESCRITO.
Se se van garantir os
recursos necesarios para ampliar as
bonificacións, POÑÁMOLO POR ESCRITO.
E se Galicia non vai
pagar as consecuencias de decisións tomadas polo Estado antes da transferencia,
POÑÁMOLO TAMÉN POR ESCRITO.
Estas son precisamente
as cuestións que identificamos como riscos
reais que deben quedar aclarados antes de culminar o proceso do traspaso.
Iso é o que queremos
discutir na Bilateral. Resolver con anterioridade as discrepancias existentes.
-
Pretendemos que o traspaso non sexa un lastre
para Galicia
-
Pretendemos garantir a seguridade xurídica que
presupón a unha LO
- Queremos brindar a norma fronte a ambigüidades e eliminar calquera marxe de discrecionalidade que poida haber .
Queremos que,
unha vez convocada a comisión mixta de transferencias, ésta poida traballar nun
MARCO CERTO E SEGURO.
Sería profundamente irresponsable aceptar hoxe unha transferencia e descubrir mañá que Galicia ten que asumir miles de millóns de euros derivados de decisións que non tomou.
A Xunta leva máis dunha
década reclamando formalmente esta transferencia.
Xa o fixo na Comisión
Bilateral Estado-Xunta de febreiro de 2010 e posteriormente a través de
sucesivas iniciativas impulsadas desde o Parlamento de Galicia.
Así que non aceptamos
leccións sobre se queremos ou non queremos a transferencia. Querémola! É
evidente!!
Queremos a titularidade
e as competencias, pero tamén os recursos necesarios para exercelas. Queremos
que se respecte a vontade e o acordo deste Parlamento.
Queremos unha AP-9 galega, pero non unha
factura que non corresponde aos galegos e que agora, o PSOE e o BNG pretenden que asumamos.
Por iso volvo dirixirme
ao PSOE e ao BNG: RECTIFIQUEN!! E
POÑÁMOLO POR ESCRITO!!
MOITAS GRAZAS.”
