O IPC de Galicia aumentou en xullo o 4,1% en taxa interanual, cinco décimas máis que en España (3,6%). Respecto a xuño, os prezos aumentaron o 0,5% en Galicia, dúas décimas máis que no conxunto de España (0,3%).
Variacións intermensuais
En variación intermensuais, os grupos con maior incremento dos prezos en Galicia foron “Transporte” (2,8%), “Actividades recreativas, deporte e cultura” (2,3%) e “Vivenda, auga, electricidade, gas e outros combustibles” (2,2%).
En senso contrario, “Vestido e calzado” (-10,1%) rexistra a maior baixada.
Variacións interanuais
En todos os grupos aumentan os prezos respecto ao mesmo mes do ano anterior agás en “Vestido e calzado” (-1,3%). As maiores subidas rexístranse en “Vivenda, auga, electricidade, gas e outros combustibles” (8%) e “Transporte” (7,2%).
Información por provincias
En relación cos índices provinciais, a taxa de variación mensual dos prezos variou entre o 0,3% de Lugo, o 0,4 % de Ourense e o 0,7% de A Coruña.
En variación interanual, as taxas movéronse entre o 3,6% de Lugo, o 4% de Ourense e o 4,2% da Coruña e Pontevedra.
Previsións
O valor previsto para a variación interanual do índice xeral de Galicia era do 3,3% no mes de xullo de 2026, oito décimas inferior ao valor acadado polo índice. Na inflación subxacente, a predición (2,9%) foi catro décimas inferior ao valor finalmente observado (3,3%).
A predición para o mes de agosto de 2026 do IPC xeral en Galicia é dunha taxa interanual do 4,5%, superior en catro décimas á rexistrada en xullo. A predición sobre o mes anterior é dunha taxa do 0,6%.
Fonte: INE. Índices de precios de consumo. Procesado polo IGE.
