O Servizo Público de
Emprego Estatal (SEPE) difundiu onte os datos oficiais de paro rexistrado
correspondentes ao mes de febreiro de 2026.
Galicia
O mercado laboral galego acaba o
mes de febreiro con 116.058 persoas
paradas medrando en relación co mes anterior en 914 persoas (0,79
%).
Na comparativa interanual, o paro baixou en 4.919 persoas (-4,07 %).
Ademais, o paro tamén se reduce
nas catro provincias galegas e en todos os sectores de actividade, liderando a
baixada a construción (-8,97%), seguida do sector primario (-8,69%), da
industria (-6,10%) e, por último, dos servizos (-3,13%).
En canto aos colectivos
prioritarios, tanto no caso das mulleres como no dos parados de longa duración,
rexístrase a cifra máis baixa de desemprego para un mes de febreiro de toda a
serie (maio 2005). No caso das mulleres desempregadas a redución anual é de
2.641 persoas (-3,77%) e no dos parados de longa duración a baixada é de
3.460 (-5,85%).
Ourense
Medra o paro rexistrado en febreiro
na provincia de Ourense en relación co mes anterior en 115 persoas,
un 0,82 %.
O número de parados queda en 14.172
deles 5.895 son homes e 8.277 mulleres, 13.442 son maiores de 25 anos e 730 menores.
Por sectores, 636 son da
agricultura, 1.346 da industria, 804 da construción, 9.889 dos servizos e 1.497
do colectivo sen emprego anterior.
Na comparativa interanual, o paro
baixou en -239 persoas (-1,66 %).
