Infraestruturas de Portugal, S.A. asinou o pasado 11
de decembro un contrato por valor de 405 338,75 euros para a realización de
prospeccións geotécnicas complementarias no marco da futura liña de alta
velocidade Porto-Vigo, que atravesará varios municipios do Miño.
O contrato é o resultado dunha licitación
pública e foi adxudicado á empresa DrillGO – Geotecnia e Obras Subterrâneas,
S.A.. O prazo máximo de execución é de 240 días.
A prestación de servizos céntrase nos tramos
1A (Porto-Braga) e 1B (Braga-Valença), cunha extensión aproximada de 115
quilómetros, que abarca os distritos do Porto, Braga e Viana do Castelo.
Os traballos inclúen a realización de
sondaxes mecánicas, ensaios geotécnicos in situ e en laboratorio, así como a
elaboración de informes xeolóxicos e geotécnicos para cada un dos tramos.
O obxectivo é «colmar as lagoas de
información xeolóxica e geotécnica resultantes da actualización dos estudos
previos realizados entre 2005 e 2010», algúns dos cales presentan novos
trazados fóra dos corredores inicialmente previstos.
A actualización dos estudos permitirá avanzar
cara aos Estudos de Impacto Ambiental, condición necesaria para a emisión das
Declaracións de Impacto Ambiental.
https://www.base.gov.pt/Base4/pt/detalhe/?type=anuncios&id=419378
