Extinguido o incendio do vertedoiro municipal da Rúa de Valdeorras tras oito días de traballos asumidos pola Deputación que preside Luis Menor

Celebro a nova coñecida este martes de que os traballos de extinción do lume que afectaba ao vertedoiro municipal de A Rúa, asumidos pola Deputación de Ourense a través dunha contratación de urxencia, déronse hoxe por rematados tras oito días de intervención especializada na zona, a cargo da empresa Tragsa coas máximas garantías de seguridade e coa mobilización de máis de 250 camións na zona para apagar o lume. Parabéns ao presidente Menor por priorizar a saúde dos valdeorreses.

Informa a Deputacion ñna súa web que “o pasado 30 de agosto, o presidente provincial, Luis Menor, trasladouse ata o Concello de A Rúa para anunciar que a institución ourensá asumía de urxencia, trala petición formal da alcaldesa, María Albert, a extinción do incendio forestal que levaba dúas semanas afectando a este vertedoiro, de competencia municipal, e que ao citado concello lle supuña un custe económico e técnico dificilmente asumible.

“Independentemente das nosas competencias, como Deputación estivemos sempre dispostos a cooperar, dando solución a unha emerxencia con total garantía nas obras”, lembra Menor.

Os traballos de extinción foron de gran complexidade polas propias características técnicas do vertedoiro e as condicións que afectan a saúde das persoas. Así, os técnicos empregaron maquinaria especializada para traballos consistentes na “asfixia” do material que ardía na zona, ata lograr a extinción completa do lume este martes."