En Galicia, en termos interanuais, as afilacións ao
réxime xeral subiron un 2,22%, mentres que no réxime especial de autónomos
baixaron un 0,4%.
O número medio de afiliacións ao Sistema da Seguridade
Social en Galicia no mes de maio de 2025 acadou a cifra de 1.094.806; o que
supón un aumento respecto ao mes pasado de 7.372 afiliacións (0,68%). Para
España, a cifra de afiliacións sitúase en 21.784.375, rexistrando un aumento do
0,91% con respecto ao mes pasado.
Na comparativa interanual (maio de 2025 con maio de
2024), obsérvase un aumento de 17.514 afiliacións en Galicia (1,63%) e un
aumento do 2,17% (462.581 afiliacións) en España.
Por comunidades autónomas e con respecto ao mes de
abril de 2025, rexístrase un incremento das afiliacións en todas as comunidades
autónomas agás en Canarias (-0,09%), sendo Illes Balears (8,72%) e Aragón
(1,82%) as que experimentan o maior incremento.
En canto ás taxas con respecto a maio de 2024, rexístranse taxas positivas en todas as comunidades autónomas. Os aumentos máis acusados prodúcense en Canarias (3,08%) e Comunitat Valenciana (2,86%).
Información por
provincias
O número medio de afiliacións á
Seguridade Social aumentou con respecto a maio de 2024 en todas as provincias
galegas. A Coruña é a provincia que presenta a maior subida nas afiliacións
cunha taxa de variación interanual do 1,92%, seguida de Ourense (1,59%),
Pontevedra (1,43%) e Lugo (1,14%).
No que respecta ás afiliacións medias deste mes de maio con respecto ás do mes de abril, Pontevedra é a provincia que presenta a maior subida nas afiliacións cunha taxa de variación intermensual do 0,87%, seguida de Lugo (0,73%), Ourense (0,58%) e A Coruña (0,53%).
Información segundo o réxime
de afiliación
As afiliacións ao réxime xeral, que
representan o 79,67% das afiliacións galegas en maio de 2025, aumentaron un
0,8% con respecto ao mes anterior. Na comparativa interanual obsérvase un
aumento dun 2,22%. En España, estas taxas foron do 1% con respecto a abril de
2025 e do 2,38% en relación ao mes de maio de 2024. Por provincias, Lugo é a
que presenta unha porcentaxe menor de afiliacións ao réxime xeral (74,64%).
Nas afiliacións ao réxime especial de
autónomos, Lugo (-1,58%), Ourense (-0,84%) e A Coruña (-0,23%) presentan unha
taxa de variación interanual negativa, mentres que Pontevedra (0,08%) presenta
unha taxa de variación interanual positiva. A media da comunidade galega
sitúase entón no -0,4%. Para este réxime e con respecto ao mes de abril de
2025, soben as afiliacións en todas as provincias: Pontevedra (0,39%), A Coruña
(0,25%), Ourense (0,13%) e Lugo (0,04%). O conxunto de Galicia presenta unha
taxa intermensual do 0,25%. As taxas nacionais para este réxime presentan unha
subida interanual do 1,11% e unha subida intermensual do 0,36%.
No que respecta ao réxime especial do
mar, con respecto a maio de 2024, todas as provincias presentan unha taxa de
variación interanual negativa: Pontevedra (-3,52%), Lugo (-3,21%) e A Coruña
(-2,93%). A taxa galega acada entón o -3,34%. Con respecto a abril de 2025,
baixan as afiliacións en A Coruña (-2,37%), mentres que soben en Lugo (0,59%) e
Pontevedra (0,11%). A taxa galega é do -0,55%. As taxas nacionais indican unha
baixada interanual do 0,42% e unha subida intermensual do 3,21%.
Fonte: Ministerio de Inclusión, Seguridad Social y Migraciones e IGE
