O número medio de afiliacións ao Sistema da Seguridade
Social en Galicia no mes de febreiro do ano 2025 acadou a cifra de 1.071.948
para o total do sistema, o que supón un aumento respecto ao pasado mes de
xaneiro de 4.859 afiliacións (0,46%). Para o conxunto estatal, a cifra de
afiliacións sitúase en 21.196.154, rexistrando un aumento do 0,48% con respecto
ao pasado mes de xaneiro.
Na comparativa interanual (febreiro de 2025 con
febreiro de 2024) obsérvase un aumento de 16.930 afiliacións no total do
sistema en Galicia (1,6%) e un aumento do 2,36% (487.772 afiliacións) no
conxunto estatal.
Por comunidades autónomas e con respecto ao mes de
xaneiro de 2025, rexístrase un incremento das afiliacións en 16 comunidades
autónomas, sendo Illes Balears (3,05%) e Murcia (0,77%) as que experimentan o
maior incremento e Castilla - La Mancha (-0,27%) a que sofre o maior descenso.
En canto ás taxas con respecto ao mesmo mes do ano
anterior rexístranse taxas positivas en todas as comunidades autónomas. Os
aumentos máis acusados prodúcense en Canarias (3,42%) e Illes Balears (3,06%).
Datos de afiliacións por provincias
O número medio de afiliacións á Seguridade Social
aumentou con respecto ao mesmo mes do ano pasado en todas as provincias
galegas. A Coruña é a provincia que presenta a maior subida nas afiliacións
cunha taxa de variación interanual do 2,14%, seguida de Ourense (1,49%),
Pontevedra (1,18%) e Lugo (0,96%).
No que respecta ás afiliacións medias deste mes de febreiro con respecto ás do mes de xaneiro, rexistrouse en Galicia un aumento do 0,46%. A Coruña é a provincia que presenta a maior subida nas afiliacións cunha taxa de variación intermensual do 0,53%, seguida de Pontevedra (0,5%), Ourense (0,28%) e Lugo (0,18%).
La afiliación media aumentó en febrero en 100.340 trabajadores respecto a enero de 2025 (+0,48%), hasta las 21.196.154 personas.
Respecto a febrero de 2024, el número de afiliados
aumentó en 487.773 personas (2,36%). En términos desestacionalizados, la
afiliación aumentó en 58.735 personas respecto a enero de 2025 (0,27%) y
alcanzó las 21.457.900 personas.
Información segundo o réxime de afiliación
As afiliacións ao réxime xeral, que representan o
79,39% das afiliacións galegas en febreiro de 2025, aumentaron un 0,52% con
respecto ao mes anterior. Na comparativa interanual obsérvase un aumento un
2,23%. En España estas taxas foron do 0,51% con respecto a xaneiro de 2025 e do
2,59% en relación ao mes de febreiro de 2024. Por provincias, Lugo é a que
presenta unha porcentaxe menor de afiliacións ao réxime xeral (74,22%).
Nas afiliacións ao réxime especial de autónomos, Lugo
(-2,25%), Ourense (-1,07%) e A Coruña (-0,05%) presentan unha taxa de variación
interanual negativa, mentres que Pontevedra (0,06%) presenta unha taxa de
variación interanual positiva. A media da comunidade galega sitúase entón no
-0,47%. Para este réxime e con respecto ao mes de xaneiro de 2025 soben as
afiliacións en todas as provincias: Pontevedra (0,2%), Ourense (0,16%), A
Coruña (0,15%) e Lugo (0,06%). O conxunto de Galicia presenta unha taxa intermensual
do 0,15%. As taxas nacionais para este réxime presentan unha subida interanual
do 1,19% e unha subida intermensual do 0,24%.
No que respecta ao réxime especial do mar, con
respecto a febreiro de 2024, todas as provincias presentan unha taxa de
variación interanual negativa: Pontevedra (-4,75%), Lugo (-1,46%) e A Coruña
(-1,19%). A taxa galega acada entón o -3,55%. Con respecto a xaneiro de 2025,
baixan as afiliacións en Lugo (-0,44%), mentres que soben en A Coruña (2,5%) e
Pontevedra (0,58%). A taxa galega é do 1,03%. As taxas nacionais indican unha
baixada interanual do 0,1% e unha subida intermensual do 2,59%.
Fonte: Ministerio de Inclusión, Seguridad Social y
Migraciones
