Asistín hoxe en O Barco de Valdeorras a inauguración da XXV Feira do Viño de Valdeorras que se desenvolverá durante esta fin de semana na praza de Viloira, no Barco de Valdeorras, e da que forman parte 21 adegas.
Falou en primeiro lugar o presidente do consello regulador, José Ramón Rodríguez Castellanos.
Tamén falaron o subdelegado do Goberno en Ourense, Eladio Santos; o delegado da Xunta na provincia, Manuel Pardo; o presidente da Deputación de Ourense, Luis Menor; e o alcalde do Barco, Alfredo García.
E depois chegou a intervención do pregoeiro, o afamado xornalista Xabier Fortes, director de “La Noche 24h”, en TVE.
A partir de aí, e tras o brinde inaugural das autoridades, visitamos as casetas das diferentes adegas para catar os seus incomparables viños.
