Os datos de Galicia a 1 de xaneiro de 2023, que resumiu perfectamente o IGE nun informe, son os seguintes:
A poboación galega aumentou en 6.599 persoas durante o ano 2022 e quedou cifrada en 2.699.424 habitantes no 1 de xaneiro de 2023. En termos relativos o incremento da poboación en 2022 foi do 0,25%, lixeiramente superior ao descenso do 0,2% rexistrado ao longo do ano anterior.
O incremento da poboación no ano 2022
produciuse no rango de idades de 10 a 24 anos, 6.477 persoas máis (un 1,9%), no
grupo de 45 a 64 anos, que aumentou en 11.303 persoas (un 1,4%), no de 65 a 84
anos, con 8.300 persoas máis (un 1,5%) e no de persoas de 90 ou máis anos, que
aumentou en 2.151 persoas (un 4,1%). Pola contra, diminuíu a poboación de
menores de 10 anos en 4.268 persoas (un 2,3%), o grupo de 25 a 44 anos en
14.381 persoas (un 2,3%) e o de persoas de 85 a 89 anos en 2.983 persoas, un
3,4%. A poboación feminina de 40 ou máis anos foi máis numerosa que a masculina
en 2023 e, como consecuencia, o número total de mulleres en Galicia é superior
que o de homes.
Por nacionalidade, o número de estranxeiros en Galicia aumentou durante 2022 en 20.132 persoas, un 16,9%, ata situarse en 139.306 persoas (o 5,2% da poboación residente en Galicia). Aumentou tamén a cifra de españois residentes en Galicia nados no estranxeiro nun 3,1% e diminuíu nun 0,7% o número de nados en España pero con nacionalidade estranxeira.
Durante o ano 2022 aumentou a poboación
residente en Galicia de 15 a 24 anos nun 2,5% e diminuíu a de 25 a 44 anos nun
2,3%.
Información por provincias
As catro provincias galegas gañaron poboación durante 2022; este incremento foi superior nas provincias occidentais, que concentran no seu conxunto o 76,7% da poboación de toda Galicia.
A Coruña medrou en poboación respecto ao ano anterior un 0,4 % llegando a 1.123.884 censados. Lugo so medrou en 27 persoas, acadando 324.267 censados, Ourense medrou un 0,1% chegando aos 304.563 censados, e Pontevedra medrou un 0,2 % acadando 946.710 censados.
https://www.ige.gal/estatico/pdfs/s3/publicaciones/Informe_Cifras_pob_xaneiro_2023.pdf
Fontes. INE e IGE
