A Xunta demandará ao secretario de Estado de Infraestruturas explicacións sobre actuacións estratéxicas para Galicia que están adiadas ou paralizadas

 

Celebro que finalmente a Xunta vaia manter unha reunión o 4 de outubro co secretario de Estado de Infraestruturas para abordar actuacións estratéxicas para Galicia e na que o Goberno galego solicitará:

 

1. Participar na elaboración dun Plan Director do Corredor Atlántico que inclúa as infraestruturas prioritarias, cos investimentos necesarios, estimados en 8.000 M€, para a modernización da rede ferroviaria de mercadorías do noroeste, que deberá recoller infraestruturas como o Porto de Vigo, a Saída Sur ou a conexión Lugo-A Coruña-Ferrol

 

2. Un calendario concreto e certo sobre a posta en servizo dos trens Avril para completar a alta velocidade en Galicia, así como para a súa conexión coas cidades de Lugo e Ferrol.

 

3. E solucións os problemas acumulados en relación coas autovías do Estado en Galicia: reconstrución da A-6, os retrasos na execución da autovía Santiago-Lugo, a parálise doutras infraestruturas como a autovía da Mariña, a autovía Lugo-Ourense, a de Ourense-Ponferrada ou a de Vigo-O Porriño; e abordar a situación da AP-9 e a reivindicación de Galicia da súa transferencia á comunidade.