O deputado popular lamentou a medalla acadada nos anos de xestión polo Goberno de Pedro Sánchez como “o peor Goberno da historia para Galicia” e que a situación continúa a repetirse na actualidade “xa que o actual presidente en funcións está máis interesado en resolver os seus propios problemas que en solucionar os problemas dos cidadáns”.
Alberto Pazos sinalou que, pola contra, en Galicia a estabilidade política permite unha capacidade de xestión e de accións políticas que son valoradas positivamente polo galegos e galegas “tal e como amosaron nas pasadas eleccións, apoiando maioritariamente unha opción que replicaría o modelo galego do sentidiño, encabezado por Alfonso Rueda, a nivel estatal”.
A estabilidade política ten reflexo tamén a nivel do Lexislativo, con acordos e demandas do Parlamento de Galicia, algunhas delas por unanimidade de todos os grupos políticos, ao Goberno central para o desbloqueo de peticións previamente comprometidas ou a atención a cuestións urxentes que precisa a cidadanía galega, sinalou o viceportavoz popular.
Entre estes acordos sinalou, entre outros, a petición dun financiamento autonómico consensuado cos territorios e que garanta a igualdade a cada un dos cidadáns españois ou o impulso ás infraestruturas pendentes, como a transferencia da AP-9, a chegada dos trens Avril, a reconstrución urxente e simultánea dos viadutos da A-6 ou o Corredor Atlántico Noroeste de Mercadorías.
Outros acordos aprobados fan referencia á necesidade de que o Goberno central dea cumprimento ao cofinanciamento do 50% da Lei de Dependencia ou o traspaso da xestión do Ingreso Mínimo Vital. Así como os referidos á necesidade dunha cogobernanza real para a xestión dos fondos europeos, a ampliación da convocatoria dos PERTE’s ou o impulso a solucións reais para a industria electrointensiva.
Celebrou Alberto Pazos o cambio de parecer da ministra Calviño sobre a redución do IVE de carne, peixes e conservas “demandada en reiteradas ocasións polo Parlamento galego e tantos meses rexeitada polo Goberno central e que agora parece que queren rectificar, nunha clara mostra de que este Goberno cando rectifica é cando acerta”.
Ademais, engadiu o viceportavoz popular, de cuestións claves para Galicia como o reto demográfico, o desenvolvemento da Lei do litoral ou as medidas necesarias para proveer de profesionais médicos á nosa sanidade e ao conxunto da rede sanitaria pública nacional.
