Asisto esta mañá con otros compañeiros da candidatura do PPao acto inaugural da XXIV Feira do Viño de Valdeorras na praza de Vilória, no Barco de Valdeorras que se desenvolve neste fin de semana de 8 e 9 de xullo .
O presidente desta denominación de orixe, José Ramón Rodríguez Castellanos valorou a calidade dos viños valdeorreses e agradeceu o apoio dos adegueiros, ademais de aludir ás iniciativas que se están a desenvolver de cara ao futuro deste sector, co apoio de diferentes administracións, entre as que salientou a nova aposta da Consellería de Educación da do Xunta de Galicia por implantar un ciclo de FP Dual ligado á viticultura no IES Lauro Olmo do Barco.
O presidente da Xunta, Alfonso Rueda, destacou hoxe a firme aposta da Xunta por apoiar o sector vitivinícola para consolidalo como punta de lanza do agro galego.
Así o sinalou hoxe durante a súa participación na Feira do viño de Valdeorras, “unha terra á que hai que prestarlle especial atención” e na que estivo acompañado polo conselleiro do Medio Rural, José González. Alí, destacou a calidade dos viños desta denominación de orixe e na que lembrou que “hai que festexar os viños de Valdeorras”. Tamén gabou o esforzo de produtores e viticultores á hora de seguir apostando pola excelencia.
Ademais, puxo en valor o compromiso da Xunta co sector a través de iniciativas como a Estratexia de dinamización económica, territorial e turística das comarcas vitivinícolas; a futura lei de calidade alimentaria; ou as axudas específicas para a elaboración, comercialización e promoción dos viños galegos, na que se levan investidos 29 millóns de euros nos últimos cinco anos.
