Esta mañá en Santiago de Compostela celebramos reunión da Xunta Directiva do PP de Galicia na que Alfonso Rueda destacou que un ourensán Alberto Núñez Feijóo «gañou
as eleccións en España con un apoio abrumador de Galicia, e Galicia quere que
intente cando menos ser presidente do Goberno de España».
E dixo que ante a complexa situación política, a comunidade debe seguir sendo «o
que fomos sempre: unha garantía de estabilidade. De aquí non van vir problemas,
tensións nin chantaxes, vai vir estabilidade, certeza e solucións».
«Fora dos extremos está a
inmensa maioría da cidadanía. Eu alégrome moitísimo de que en Galicia siga
sendo así, e todo apunta a que seguirá sendo así moitísimo tempo», engadiu.
Rueda dixo que o PPdeG obtivo 697.530 votos o 43,5 %, o que supuxo 222.332 votos máis que nas eleccións de novembro de 2010.
Sinalou que os 330.000 votos que Feijóo sacou de vantaxe a Sánchez, 220.000 saíron de Galicia. E destacou que Lugo e Ourense, subliñou, foron as provincias do país con máis apoio ao PP.
E puxo en valor que o PP de G obtivese todos os senadores e 13 dos 23 deputados en xogo.
