O desemprego no mes de maio en Galicia é o menor en 27 anos e por primeira vez se sitúa por debaixo das 139.000 persoas

O Servizo Público de Emprego Estatal (SEPE) difunde hoxe os datos oficiais de paro rexistrado correspondentes ao mes de maio de 2023.

Galicia:

Baixa o paro rexistrado en Galicia no mes de maio en relación co mes anterior en - 4.909 persoas, un  -3,52 %. Por sectores económicos, liderou a caída o primario (-1,96 %), seguido dos servizos (-1,82 %), da industria (-1,59 %) e da construción (-1,24 %).  

O número de parados queda en 134.434. Deles  55.221 son homes e 79.213 mulleres, 129.298 son maiores de 25 anos e 5.136 menores.

Por sectores, 4.447 son da agricultura, 13.727 da industria, 9.309 da construción, 95.086 dos servizos e 11.865 do colectivo sen emprego anterior. 

A nivel interanual, isto é, con respecto a maio do ano pasado, 11.686 persoas sairon en Galicia das listas do paro, o que supón un descenso do desemprego do – 8,00 %.  Por sectores, liderou o descenso o primario (-17,74%), seguido da industria (-13,95%), da construción (-10,89%) e dos servizos (-7,20%).

O paro, con respecto a hai un ano e na comparativa con abril, caeu nas catro provincias galegas, nas sete grandes cidades, en todos os sectores económicos, así como nos colectivos prioritarios para a Xunta como son, entre outros, os menores de 30 anos, as mulleres e os parados de longa duración.

Por colectivos prioritarios, decreceu, especialmente entre os menores de 30 anos  (-12,67%) seguido das mulleres (-6,91%) e dos parados de longa duración (-3,15%). As cifras de parados de menos de 30 anos e de mulleres sen emprego son as menores da serie histórica (2005). Ademais, o número de persoas paradas de longa duración é o máis baixo nun maio desde 2009.

Ourense

Baixa o paro rexistrado en maio na provincia de Ourense en relación co mes anterior en 644 persoas, un -4,00 %,

O número de parados queda en 15.475 deles 6.441 son homes e 9.934 mulleres, 14.811 son maiores de 25 anos e 664 menores.

Por sectores, 795 son da agricultura, 1.631 da industria, 1.053 da construción, 10.462  dos servizos e 1.534 do colectivo sen emprego anterior.

A nivel interanual, isto é, con respecto a maio do ano pasado, 1.306 persoas sairon en Ourense das listas do paro, o que supón un descenso do desemprego do – 7,78 %.