Os candidatos do Partido Popular ao Congreso -Ana Belén Vázquez, Celso Delgado e Miguel Ángel Michinel- e ao Senado -Carmen Leyte, Luis Menor e Rosa Sánchez- destacamos a importancia de AJE Ourense, “unha ferramenta imprescindible dentro do tecido socioeconómico da provincia por ser un potente axente representativo, dar voz e loitar polo emprendemento e a súa probada capacidade para tecer alianzas público-privadas”.
No encontro, os populares incidimos no compromiso do Partido Popular coas pemes e autónomos: “Son a base do noso tecido empresarial, xerando máis de dous terzos do emprego en España. Pero solo facilitando a actividade emprendedora e empresarial poderase crear emprego, que é o noso principal obxectivo e o compromiso de Alberto Núñez Feijóo”.
“Ao Goberno de Sánchez non lle gustan as pemes e os autónomos porque non dependen del”, analizan os populares, que cargaron con dureza contra a inseguridade xurídica, o aumento da presión fiscal e a falta de axudas: “Tres factores impostos polo PSOE que prexudicaron con dureza ao tecido produtivo español, severamente golpeado pola pandemia, as consecuencias da guerra de Ucraína e por un Goberno que, lonxe de adoptar medidas que den garantías e seguridade, empeñouse nestes anos en impoñer máis trabas”. E o escenario actual, lembramos, fala con contundencia: “Dende que goberna Sánchez temos 67.000 empresas cotizantes menos nos rexistros da Seguridade Social”.
“Somos o partido dos emprendedores e dos autónomos”
Fronte o ‘Modelo Sánchez’, os populares trasladamos esta tarde á directiva de AJE Ourense a alternativa do PP de Alberto Núñez Feijóo, definida arredor da eliminación de trabas burocráticas, administrativas e fiscais: “Instauraremos a tarifa plana de cero euros o primeiro ano de autónomo, para que ningún traballador por conta propia pague cuota no seu primeiro ano de actividade. Tamén incentivaremos a contratación do primeiro traballador, impulsaremos a dixitalización e fomentaremos plans de relevo xeracional e o incremento de produtividade das pemes e a súa capacidade para xerar economía de escala, ademais de mellorar a accesibilidade a recursos financeiros e medidas que alivien o deterioro causado pola inflación”.
“Somos o partido dos emprendedores e dos autónomos, e o seguiremos sendo co presidente Feijóo”, remarcamos, lembrando o potente compromiso do PP co emprendemento, demostrado coa aprobación, na lexislatura X e XII, de “máis leis e medidas para apoiar a autónomos e emprendedores que en calquera outro goberno do período democrático e o repetiremos na próxima lexislatura”.
