Viaxei hoxe acompañando ao alcalde de A Gudiña, José Lago e do ex alcalde Ríos, Francisco Armando Veiga, ata a localidade lusa de Vinhais, para asistir á Ceremónia de Inauguración Oficial da "XVII - RuralCastanea – Festa da Castanha", e que foi presidida pola Ministra da Agricultura e da Alimentação , Maria do Céu Antunes.
A castaña é a raiña em Vinhais. Este froito, asume um papel moi relevante na economia do concello, proxectando o seu nome a unha dimensión nacional e ata internacional.
O concello de Vinhais é o maior produtor nacional de castaña, producindo unha media anual de 15 mil toneladas, movendo cerca de 15 millóns de euros.
Con todos eles falamos da oportunidade de impulsar unha nova conexión destas localidades a través dunha vía entre o norte de Portugal e a estación de AVE da Gudiña
Lembrar que Xunta, a Deputación Provincial de Ourense e os municipios da raia impulsaron unha declaración institucional para demandar o impulso, por parte dos Gobernos de España e de Portugal, dunha nova conexión a través dunha vía entre a localidade lusa de Macedo de Cavaleiros e Vinhais coa A-52 e a estación do AVE na Gudiña.
Para que chegue a ser unha realidade no fututo sería necesario a promoción de actuacións equivalentes nos dous tramos, portugués e galego, para darlle sentido de vertebración transfronteiriza a esta actuación.
Na búsqueda dos seguintes obxectivos:
• Reforzar a mobilidade na Eurorrexión Galicia - Norte de Portugal.
• Achegar ás economías, ás empresas e aos cidadáns destes territorios unha maior competitividade, con conexións rápidas e eficientes entre ambos os países e achegar maiores oportunidades de desenvolvemento.
• Promover a interoperabilidade e continuidade das redes de transporte existentes, e a cooperación do transporte por estrada e por ferrocarril.
• Aproveitar ao máximo as sinerxias da alta velocidade a Galicia, convertendo a estación ferroviaria da Gudiña nun referente da mobilidade ferroviaria.
En definitiva, apostamos por esta infraestrutura como necesaria para reforzar a competitividade da Eurorrexión Galicia - Norte de Portugal e facilitar o acceso á Autovía das Rías Baixas (A-52) e ao AVE Madrid-Galicia a unha poboación de 295.400 cidadáns.
Para a construción da nova vía, de 67km, Portugal tería que facerse cargo dun tramo de preto de 60 Km ata o límite con Ourense, mentres que a parte ourensá sería duns 7 Km.
Puiden ver hoxe as limitaciones que ten a actual estrada lusa desde a fronteira de A Mezquita ata Vinhais. Estreita e absolutamente virada.
A Declaración Institucional do goberno de Galicia foi presentada ao goberno español a través do Ministerio de Transportes, Movilidad e Axenda Urbana en novembro de 2020. O presidente da Xunta trasladou o asunto ao primeiro ministro e ao presidente da República de Portugal na súa visita de maio de 2021.
