O papel decisivo do financiamento do Programa de Cooperación Transfronteiriza Interreg España-Portugal (POCTEP) para o desenvolvemento da fronteira luso-española; a necesidade dunha discriminación territorial positiva ao territorio da fronteira, recoñecendo a súa elevada permeabilidade social, a súa dinámica económica específica e a identidade cultural compartida; a importancia de profundar no nivel de cooperación transfronteiriza con proxectos de desenvolvemento económico conxuntos, a necesidade de priorizar os investimentos en conectividade, etc.
Neste labor de seguimento aludo nesta entrada a que o pasado 23 de marzo tivo lugar en Vigo a reunión da Asemblea e o Consello Superior da Agrupación Europea de Cooperación Territorial (AECT) Galicia-Norte de Portugal, na que se aprobou o plan de actividades e o orzamento para este ano, ademais de acordar a elaboración de proxectos de cooperación transfronteiriza acordes coas novas orientacións do novo programa Interreg VA España-Portugal (POCTEP) para o período 2021-2027.
Comprometéronse a :
Intensificar
a cooperación transfronteiriza de proximidade.
Apoiar
a cooperación empresarial apostando nos protocolos de cooperación con
asociacións empresariais da Eurorrexión, nos clústeres do téxtil, da
explotación forestal, do automóbil e do turismo, así como na especialización
eurorrexional en novas áreas, das que a aeroespacial é un exemplo.
Comezar
a preparar un novo período de programación, estando atentos ás novidades do
POCTEP e preparando proxectos acordes coas novas orientacións.
Apoiar a mobilidade académica, a través do programa de éxito Iacobus, para investigadores e persoal administrativo das universidades, institutos politécnicos e Centros Tecnolóxicos da Eurorrexión. En 2022 lanzaranse novas convocatorias para Estadías, Publicacións Científicas e Patentes.
Ademais de
impulsar a mobilidade xeográfica -para a que será decisivo o estatuto do
traballador transfronteirizo ou do eurocidadán)- ou, mais específicamente, a
ferroviaria (coa aposta firme no tren de alta velocidade Porto-Vigo)
Seguir
incentivando as achegas Culturais na Eurorrexión, a través do proxecto Nortear,
ou Turísticas con o proxecto “Facendo Caminho,”. A AECT da Eurorrexión
continuará a colaborar na promoción e difusión dos Camiños de Santiago en
Portugal, coa dirección de Turismo do Norte luso e a de Galicia co
obxectivo de presentar, neste 2022, as bases para o plan director das rutas
xacobeas portuguesas a Compostela.
A
Asemblea rematou coa declaración de condena á guerra de Ucraína e o compromiso
para realizar un informe sobre o impacto da guerra na Eurorrexión Galicia –
Norte de Portugal.
AECT
A Agrupación Europea de Cooperación Territorial - Galicia-Norte de Portugal ( GNP-AECT) formalizouse o 18 de Febreiro de 2010 coa toma de posesión dos Órganos Directivos. Entrou en funcionamento o 1 de Marzo deste mesmo ano.
Ten como obxectivo facilitar e
fomentar a cooperación territorial entre os seus membros, a Xunta de Galicia e
a CCDR- N, superando as expectativas en
diferentes niveis, onde a súa principal preocupación é a de desenvolver e
proporcionar colaboracións, creando así vínculos de unión en diferentes áreas
de actuación.
Pretende con iso, promover e valorizar a competitividade do tecido empresarial a través do coñecemento e da innovación, potenciar e racionalizar os equipamentos básicos tranfronterizos e aumentar a cohesión social e institucional da Eurorrexión.
A súa maior expectativa é a de promover intereses e obxectivos comúns que cren maior valor do esperado individualmente polos seus membros.
