Foi inaugurado
pola conselleira de Infraestruturas e Mobilidade, Ethel Vázquez, sinalando que “é
un acontecemento que ten que ser recordado; tivemos que esperar dúas décadas, pero
é un fito histórico e un obxectivo de país. Os galegos non pedimos por pedir”, e agradeceu o papel dos exministros gallegos, “contribuíron
a que a alta velocidade sexa unha realidade”. “Resta traballo por facer e os
galegos temos que seguir reclamando as cousas pendentes , para que a alta
velocidad chegue ao resto das cidades, e teñan os tempos comprometidos e
competitivos”, rematou.
A primeira
intervención vía telemática foi a do ex ministro José Blanco que se referiu na
o "traballo de galeguidade" que se realizou "grazas á presenza continua nos
Gobernos de dous ministros galegos" e ao
papel que desenvolveu en distintas responsabilidades técnicas a actual
secretaria de Estado de Transportes, a lucense Isabel Pardo de Vera.
Blanco tamén
se referiu ap Pacto do Obradoiro como un exemplo "de concertación institucional para
conseguir un obxectivo de país", unha infraestrutura que, dixo, durará máis dun
século, unha idea que lle animou a modificar o proxecto entre Lubián a Ourense
para segregarlo da liña convencional e
conseguir que os trens puidesen circular a 300 por hora ou mesmo a 350 se
algunha vez apróbanse eses rexistros.
Logo interveu a ex ministra Ana Pastor, lembrando que o Goberno de Rajoy apostou polas infraestruturas galegas nun momento "moi delicado no que se destruíron 3,4 millóns de empregos".
Pastor tamén repasou a súa xestión nos cinco anos que estivo no ministerio, e lembrou a súa presenza no o Consello de Ministros do Plan Galicia, celebrado na Coruña en xaneiro do 2003, e que deu orixe á inclusión da comunidade nos plans de alta velocidade do Estado. "Fomos ás necesidades reais de España, a vertebrar o territorio, e a facer obras que non se fixeron antes»", dixo, en referencia á marxinación histórica do noroeste e poñendo como exemplo a autovía do Cantábrico, que se culminou durante o seu mandato. Nunha situación de grave crise económica, "tivemos que priorizar e priorizouse Galicia". "Fixemos un esforzo extraordinario nos cinco presupostos que aprobei", lembrou, e agradeceu o labor parlamentario de deputados como Celso Delgado, un papel que tamén recoñeceu José Blanco.
Ana Pastor lembrou que durante o seu mandato decidiuse
construír as estacións de Poboa de
Sanabria e A Gudiña, para que as zonas rurais tivesen conectividade, e
tamén se avanzou no protocolo para construír as estacións intermodais, "un
empeño do presidente da Xunta". Pastor tamén reivindicou a importancia do eixo
atlántico, que inaugurou no seu tramo pendente Santiago-Vigo en abril do 2015.
Despois da
intervención de dos ex-ministros comezaron
varias mesas moderadas por Gabriel Alén Castro, delegado territorial da Xunta
en Ourense
"O AVE no escenario da recuperación turística" con Nava Castro Domínguez, directora de Turismo de Galicia, Cesáreo González
Pardal, presidente do Clúster de Turismo de Galicia e Rosendo Luis Fernández,
presidente do Inorde
"Galicia, os
galegos e o AVE" con Juan Manuel Vieites, presidente da Confederación de
Empresarios de Galicia, José María Lago, alcalde do Concello da Gudiña, Jesús
Vázquez Varela, presidente da ‘Plataforma Lugo… non perdas o tren’ e Iria
Méndez, portavoz da Plataforma de usuarios do ferrocarril de media distancia
"Un camiño por
completar: as etapas pendentes" con Miguel Rodríguez Bugarín, catedrático de
Ferrocarrís da Universidade da Coruña, Rui Teixeira, director da AECT Rio
Minho e Agustín Hernández, presidente do Consello Económico e Social de Galicia.
Pechou o Foro o
presidente do Goberno galego, Alberto Núñez Feijóo, anunciando que a Xunta
creará un comité multidisciplinar para elaborar unha estratexia coa que
impulsar o maior crecemento económico e rendemento social do AVE a Galicia.
Durante a
clausura do foro AVE Madrid-Ourense. Un camiño a Galicia: desafíos e oportunidades,
Feijóo incidiu en que a Administración autonómica dedicará o tempo a esta
tarefa, “mentres agardamos que se complete o traballo planificado na alta
velocidade da nosa comunidade”.
Nesta liña,
demandou novamente que os trens de rodadura desprazable se poñan o antes
posible ao servizo da Comunidade, co fin de cumprir os tempos de viaxe
comprometidos: Santiago-Madrid en 2 horas e 50 minutos; Pontevedra-Madrid en 3
horas e 10 minutos; Vigo-Madrid en 3 horas e 20 minutos; e Coruña-Madrid en 3
horas e 15 minutos.
Sen perder de
vista a imprescindible reflexión sobre a conveniencia de adaptar o ancho de vía
entre Ourense e Santiago ao ancho internacional, Feijóo expuxo tamén os
beneficios que implicarían infraestruturas como a construción dun túnel de
conexión entre as estacións madrileñas de Chamartín e Atocha ou a Variante de
Olmedo, que faría posible unha conexión directa de Galicia co País Vasco e con
Cataluña sen ter que baixar ata Madrid.
O responsable
autonómico referiuse ademais ao risco de configurar unha rede ferroviaria
galega de dúas velocidades na que Lugo e Ferrol queden descolgadas. “Así, no
caso de Lugo, e pese a planificación de modernización da liña, todo semella
indicar que se prescindimos das variantes de trazado, o tempo de viaxe con
Madrid non será competitivo. E, en relación con Ferrol, o baipás de Betanzos é
necesario”, precisou.
Logo de resaltar o necesario compromiso tamén coas conexións de Vigo con Ourense e Porto, coa Variante exterior en Ourense e coa súa estación intermodal, así como coas obras pendentes da remodelación do antigo túnel do Padornelo e o reforzo da subestación das Portas, o titular da Xunta concluíu subliñando que a chegada do AVE a Ourense supón “a oportunidade” para consolidar a cidade das Burgas como a mellor comunicada de Galicia e do noroeste de España."
http://www.crtvg.es/tvg/a-carta/telexornal-mediodia-5481704?t=1694
