viernes, 17 de diciembre de 2021

A Xunta adapta os horarios do servizo de autobús centre O Barco de Valdeorras e A Gudiña para axustalos ás novas horas de paso pola Gudiña dos trens que conectan con Madrid


A cercana posta en servizo do treito de alta velocidade entre Pedralba e Ourense e a reconfiguración da oferta de servizos ferroviarios por parte de Renfe fai preciso adecuar os horarios de autobús que posibilitan a intermodalidade dos pasaxeiros do tren.

E por lo, acreditando axilidade, a Xunta adapta a partir do vindeiro martes, día 21, os horarios dos autobuses entre O Barco de Valdeorras e A Gudiña para axustalos ás novas horas de paso pola Gudiña dos trens que conectan con Madrid.

Para garantir que se manteñan enlaces con espera reducidas, a Xunta crea un novo servizo entre O Barco de Valdeorras e A Gudiña e optimiza outros 4, o que permite unha coordinación, tanto para as saídas coma para as chegadas de 5 trens con orixe ou destino en Madrid.

A nova expedición entre O Barco de Valdeorras e A Gudiña contará con saída ás 09,15 horas e realizarase nunha nova liña cun itinerario directo, que reduce a duración da viaxe, chegando á estación ás 10,25 horas. Este horario posibilita que a espera sexa de só 10 minutos co tren que ten hora prevista de paso cara a Madrid ás 10,35 horas.

Os axustes deseñados polo departamento de Mobilidade da Xunta tamén garanten nas outras 4 expedicións a coordinación sen esperas cos trens que pasan pola Gudiña cara a Madrid ás 08,01 horas e ás 19,30 horas. Do mesmo xeito, a Xunta facilita a intermodalidade aos pasaxeiros que chegan de Madrid ás 15,35 horas e ás 20,00 horas, modificando os horarios do autobús, con saídas ás 16,15 horas e ás 20,05 horas.

Cómpre lembrar que xa no mes de outubro, a Consellería de Infraestruturas e Mobilidade adaptou os servizos horarios dos autobuses da Xunta á alteración das horas de paso dos trens Alvia pola estación da Gudiña, atendendo a petición dos concellos da comarca de Valdeorras.