Vendo os avances das obras da nova estación de autobuses e do aparcadoiro subterráneo


Aproveito a primeira hora desta fría e chuviosa mañá para achegarme ata as obras da nova estación de autobuses integrada na terminal de alta velocidade de Ourense.

Estímase que esta nova terminal do barrio da Ponte acollerá arredor de 79.000 expedicións de autobuses ao ano, o que significaría un incremento de máis do 21%, e preto de 400.000 viaxeiros, un 12% máis.

As obras seguen avanzando desde a miña anterior visita e todo indica que a estación podería estar en explotación no primeiro trimestre de 2021.

Tamén puiden ver cómo avanzan as obras do aparcadoiro situado baixo a actual praza da estación, e que terá unha superficie total de 8.645 metros cadrados distribuídos en dous andares en que se repartirán as 302 prazas e xunto á nova estación de autobuses, garantindo o efectivo intercambio modal para os usuarios.

Este aparcadoiro subterráneo dará servizo ao complexo intermodal pero tamén ao barrio da Ponte, onde abundan os edificios sen garaxe e falta un espazo de estacionamento de estas características e capacidade.

Estas fotos que fixen acreditan o que afirmo.







Con la tecnología de Blogger.