Hoxe o presidente do PPdeG, Alberto Núñez Feijóo, pediu que os galegos se unan nas urnas o próximo 12 de xullo para avanzar xuntos durante os próximos catro anos. E resaltou que, se non votamos e temos que esperar a que o Goberno se una despois dos comicios, Galicia “non soportará esa fragmentación”.
Tras subliñar que todo está preparado para votar con total tranquilidade, destacoua importancia de facelo polo que a Comunidade ten por diante, xa que nada está decidido. “Veño pedirvos o voto co aval do feito, para poder abordar todo o que aínda queda por facer; para unha Galicia na que se pode confiar, estable, que non perda a perspectiva e que estea ao que hai que estar”. “E pido o voto -engadiu-para que Galicia vaia unida cara adiante e non se fragmente”, dixo.
O PPdeG PROPÓN
Durante un mitin no Carballiño, o presidente afirmou que os populares propoñen que a nosa Sanidade pública, a que mellor funcionou esta pandemia, complete a renovación dos hospitais e a tecnolóxica así como os novos servizos que puxeronen marcha.
Do mesmo xeito, avogou por unha Educación Pública que siga obtendo os mellores resultados da súa historia; por un Goberno autonómico que continúeapoiando ás familia, aprobando novas medidas de respaldo ás nais e pais;multiplicando os servizos aos maiores; e por unha Galicia que, tras recuperar o saldo migratorio positivo, dea máis oportunidades para os mozos.
Así mesmo, propuxo que a Galicia do mar, que xa é líder no sector, reforce os seus liderados e o benestar dos que o traballan nel; que o rural de toda España onde menos impostos se paga sexa o medio de vida para cada vez máis galegos; que os nosos produtos sigan sendo recoñecidos no mundo pola súa calidade; e que a Comunidade volva pronto ás cifras de récord en exportacións destes anos,e incluso as supere.
CUMPLIR COS COMPROMISOS
Durante a súa intervención, Feijóo aclarou que ao longo destes anos nunca fallouao seu compromiso con Galicia: “O meu compromiso vital é Galicia”, porque, tal e como salientou, sempre fixo o que dixo que faría.
Neste sentido, insistiu en que fai sempre todo o posible pola nosa Comunidade, pedindo o voto para que teñamos un Goberno e un presidente libres, que só se deban a cumprir cos seus compromisos.
BO PARA GALICIA
Feijóo admitiu que non é bo para Galicia un goberno que renuncie aos seus compromisos só para poder ser Goberno, que non se entenda entre si, que non teña programa; así como tampouco é bo para a nosa comunidade, salientou, que os intereses xerais se sometan á chantaxe de partidos con intereses minoritarios nin adoptar derivas doutras Comunidades onde se fragmentou a sociedade. Pola contra, sinalou que o que precisa Galicia é un goberno unido, cun programa para aplicar desde o primeiro día, que resolva problemas en lugar de crealos e que goberne.
Por este motivo, dirixiuse aos que prefiren este executivo estable e este presidente para que vaian votar e non esperten o luns 13 co goberno que non querían; e tamén pediu aos votantes doutros partidos que non queden na casa senon están conformes con que a Galicia a goberne un multipartito.
Como lembrou, os populares coñecen o que é gobernar e o que é enfrontarse a dificultades, do mesmo xeito que “os galegos coñecen esta Xunta e me coñecen a min”. “Saben -continuou- que se confían en nós, o seu voto acaba nun gobernoconcreto, nun programa e en xestión, que por riba de calquera outra cousa están os intereses xerais e que por diante de todo está Galicia.
