Acabamos de coñecer que a partir do luns, 23 de marzo, os menores de 21 anos
poderán viaxar gratis no transporte público interurbano dos 92 concellos da
provincia de Ourense utilizando a
Tarxeta Xente Nova.
Estas tarxetas comezarán a emitirse o vindeiro martes,
17 de marzo, nas oficinas habilitadas de Abanca da provincia.
A Xunta de Galicia puxo en marcha esta
iniciativa social de fomento do transporte público en 2016 nas áreas de
Transporte Metropolitano, permitindo que os mozos menores de 19 anos puidesen
viaxar gratis neste medio de transporte.
A
posta en marcha da Tarxeta Xente
Nova na provincia de Ourense inclúese na primeira fase de ampliación
territorial, que se vai a desenvolver de forma progresiva ata abarcar este ano
o total da comunidade galega.
Salientar
que os titulares do dispositivo Xente Nova da área da Coruña encabezan o número
de desprazamentos bonificados, con máis de 740.000 viaxes e máis de 18.700
tarxetas, seguidos dos mozos e as mozas da área de Santiago, con case de
388.000 viaxes e 9.884 tarxetas en funcionamento.
Os datos
recollidos pola Dirección Xeral de Mobilidade apuntan tamén a incremento do uso
desta tarxeta na área de Ferrol, bonificáronse preto de 358.000 viaxes
gratuítas para os usuarios das 8.132 tarxetas.
Na área de
Vigo o número de percorridos bonificados superou neste ano máis de 254.000
viaxes e o número de dispositivos Xente Nova activas é de 14.239, mentres que
en Lugo se realizaron máis de 20.800 percorridos e se contabilizan 1.059
dispositivos.
