No VII Foro Parlamentario Hispano Portugués

Hoxe ás 9,30 horas a presidenta do Congreso dos Deputados, Ana Pastor, inaugurou o VII Foro Parlamentario Hispano Portugués. No acto tamén interveu tamén Eduardo  Ferro  Rodrigues, presidente da Asemblea da República de Portugal.

Tras a inauguración, interviñeron os membros da Comisión Mixta para a Unión Europea para reflexionar sobre o papel de España e Portugal en Europa. 

A continuación, ás 11:30 horas, comezou a primeira mesa, que tivo por título "Pensións, Sanidade e Política Social" e na que tomaron a palabra os deputados da Comisión de Sanidade, Consumo e Benestar Social e da Comisión de Seguimento e Avaliación dos Acordos do Pacto de Toledo. A seguinte mesa deu comezo ás 12.15 horas e tratou sobre "Cooperación en materia cultural". Intervironn os deputados que forman parte da Comisión de Cultura e Deporte. 

Á mesma hora na sala Constitucional celebráronse as mesas de "Educación, Universidades e Política Científica" e de "Cooperación en infraestruturas", nas cales participaron os membros das comisións de Educación e Formación Profesional, de Ciencia, Innovación e Universidades e de Fomento. 

A miña participación específica tivo lugar na mesa de Infraestruturas.

Co deputado de Porto, Virgilio Macedo
Defendín, entre outras cuestións, que o investimento en infraestruturas de España e Portugal debe asentarse na defensa dos proxectos que forman o Corredor Atlántico, tanto co obxectivo de desenvolver un corredor  multimodal e loxístico Irún-Aveiro, que conectará os principais portos da fachada atlántica e do suroeste europeo co resto do  continente, e a súa conexión coas rexións de Galicia e o resto do norte peninsular, posibilitando así a creación dunha rede racional que sirva a escala rexional; como na de prolongar a actual liña de viaxeiros de Altas Prestacións do Eixo Atlántico existente entre A Coruña e Vigo, levándoa cunhas características similares ata a cidade de Porto.

Afirmei que é da máxima importancia continuar avanzando na execución do saída Sur de Vigo, o que supón a prolongación da actual liña de Alta Velocidade A Coruña - Vigo, dirección Portugal. Iniciativa apoiada pola Xunta de Galicia.

Dixen que xa se conseguiu que a Comisión Europea recomende ao Parlamento Europeo un novo regulamento da Rede  Transeuropea de Transportes (TEN- T) que amplíe o Corredor Atlántico ferroviario ata Galicia, incluíndo a Liña Ourense – Vigo, o que o situaría a 8 km. da fronteira ferroviaria Tui -  Valença.

Esta Rede  Transeuropea de Transporte debe ser considerada prioritaria para a potenciación da Eurorrexión Galicia Norte de Portugal xa que, ademais de mellorar o transporte de viaxeiros, supón a conexión dos grandes portos de Galicia e Portugal, en especial co porto de Sines (Lisboa).

Tamén falei na miña intervención de que propoñiamos que España e Portugal traballen conxuntamente na valorización do Camiño Portugués de Santiago de Compostela, que sen dúbida forma parte do patrimonio cultural e material de ambos os países.

Dixen que mesmo xa se traballa en favor dunha futura candidatura do Camiño Portugués de Santiago a Patrimonio Mundial da UNESCO, para que poida ser realmente unha candidatura ibérica.

Co deputado Helder Amaral, Pte . da Comisión de Fomento lusa
E que propoñiamos engadir un novo ámbito de colaboración conxunta entre Galicia e Norte de Portugal, referente á preparación e celebración do próximo Xacobeo 2021 para a celebración de eventos conxuntos e a colaboración necesaria na organización dos fluxos de peregrinos, especialmente dos grandes  grupos que está previsto percorran tamén os Camiños Portugueses con motivo do Ano Santo.

A clausura do acto tivo lugar ás 16.00 horas na sala Ernest  Lluch, tras elaborar as conclusións deste Foro



Entre esas conclusións inclúense dúas que forman parte das prioridades da Eurorrexión Galicia-Norte de Portugal (aprobadas pola Xunta de Galicia e a Comissao de Coordinaçao de e Désenvolmenento Regional do Norte) e que foron propostas por quen subscribe e apoiadas decisivamente pola presidenta Ana Pastor:

A primeira di: 

En particular, unha vez conseguido que a Comisión Europea recomende ao Parlamento Europeo un novo regulamento da Rede  Transeuropea de Transportes (TEN- T) que amplíe o Corredor Atlántico ferroviario ata Galicia, incluíndo a Liña Ourense – Vigo, os parlamentarios consideran necesario seguir avanzando na prolongación da actual liña de Alta Velocidade A Coruña - Vigo, dirección Portugal.”

A segunda:

“Así mesmo, os parlamentarios da Asemblea da República e do Congreso dos Deputados, manifestan o seu apoio á promoción do Camiño portugués a Santiago de Compostela e das súas diferentes vías, como eixo  vertebrador de desenvolvemento e cohesión, e coa vista posta no próximo Xacobeo 2021.”

Os presidentes asinan as conclusións
A delegación do Congreso dos Deputados estivo formada por, Ana Pastor, presidenta do Congreso; unha representación da Mesa da Cámara formada por Rosa Romeu, vicepresidenta terceira; Gloria  Elizo, vicepresidenta cuarta; e Patricia Reyes, secretaria cuarta do Congreso dos Deputados. Tamén acudiron José Luis  Ayllón, vicepresidente primeiro da Comisión Mixta para a Unión Europea; Antonio Gutiérrez, portavoz da Comisión Mixta para a Unión Europea; Celso Delgado, presidente da Comisión de Fomento; César Joaquín Ramos, portavoz da Comisión de Fomento; Guillermo Meijón, vicepresidente primeiro da Comisión de Educación e Formación Profesional; Juan Jiménez, secretario primeiro da Comisión de Educación e Formación Profesional; Emilio do Río Sanz, portavoz da Comisión de Cultura e Deporte; José  Andrés Torres Moura, portavoz da Comisión de Cultura e Deporte; Silvia  Heredia Martín, vogal da Comisión de Sanidade, Consumo e Benestar Social; Carmen Baños Ruíz, portavoz da Comisión de Sanidade, Consumo e Benestar Social; José Jaime Alonso Díaz-Guerra, portavoz adxunto da Comisión de Ciencia, Innovación e Universidades; Pilar Marcos Domínguez, vogal da Comisión de Seguimento e Avaliación dos Acordos Pacto de Toledo; María Mercé Perea i  Conillas, portavoz da Comisión de Seguimento e Avaliación dos Acordos Pacto de Toledo.

Pola súa banda, a delegación portuguesa estivo integrada por Eduardo  Ferro  Rodrigues,  presidente da Asemblea da República; Duarte Pacheco, secretario da Mesa da Asemblea da República;  Idália  Serrão, secretaria da Mesa da Asemblea da República;  Sérgio Sousa Pinto, presidente da Comisión de Asuntos Exteriores e Comunidades Portuguesas;  Regina Bastos, presidenta da Comisión de Asuntos Europeos;  Margarida Marques, vicepresidenta da Comisión de Asuntos Europeos;  Hélder Amaral, presidente da Comisión de Economía, Innovación e Obras Públicas; Fernando  Virgílio  Macedo, vicepresidente da Comisión de Economía, Innovación e Obras Públicas; Alexandre  Quintanilha, presidente da Comisión de Educación e Ciencia;  Nilza de Sena, vicepresidenta da Comisión de Educación e Ciencia; José de Matogueiras Rosa Presidente da Comisión de Sanidade;  Maria  Antónia de Almeida Santos, Vicepresidenta da Comisión de Sanidade; Feliciano  Barreiras Duarte, presidente da Comisión de Traballo e Seguridade Social; Rita Intre, vicepresidenta da Comisión de Traballo e Seguridade Social; Edite  Estrela, presidenta da Comisión de Cultura, Comunicación, Mocidade e Deporte; Jorge Campos, vicepresidente da Comisión de Cultura, Comunicación, Mocidade e Deporte; Luís Moreira Testa, vicepresidente do grupo de Amizade Portugal-España. 


Si desexa facer algún comentario poder enviar un correo celso.delgado@congreso.es
Recibirá resposta




Con la tecnología de Blogger.