Hoxe foron comprobados polo presidente da Deputación de Ourense, Manuel Baltar, pola
directora de Turismo de Galicia, Nava Castro acompañados polo director de Oca Nova
Manzaneda, Gustavo Sanmartín.
Asistiron á posta en funcionamento dos
primeiros canóns de innovación, tecnoloxía aplicada á produción de neve que é
consecuencia da aposta pola modernización de equipamentos realizada polo Consello
de Administración da sociedade titular desta estación, Manzaneda Estación de
Inverno SA (MEISA), na que a Xunta de Galicia e a Deputación forman parte do
accionariado
O obxectivo desta actuación é asegurar as
condicións de neve a finais de decembro e alongar a tempada ata abril, nunha
estación que, a día de hoxe, conta cun volume de esquiadores que supera os
28.000 ao ano, cifra que se prevé incrementar con esta medida. Para acadalo,
estase a traballar na posta en marcha deste sistema de xeración artificial de
neve que fortalecerá o papel desta estación como un dos maiores recursos de
Galicia no eido do turismo activo durante todo o ano, afondando así no
obxectivo de desestacionalización que persegue o modelo turístico galego, con
propostas atractivas tamén fóra de tempada alta.
Unha vez rematado o proceso de instalación dos innivadores, permitirán
incrementar a presenza de neve nas súas pistas centrais, así como na zona de
debutantes, para que diminúa a dependencia da precipitación natural. Tamén
farán posible mellorar a calidade de neve e mesmo aumentar a oferta nesta
estación, con actividades como o esquí nocturno.
Suporá a posta en valor deste complexo
que conta, ademais, con instalacións para a práctica doutras disciplinas
deportivas, zona infantil de xogos, zona multideporte para nenos, rocódromo,
tiro con arco e mesmo paint ball.
O presidente do goberno provincial
considerou que o sistema de innivación “suporá un antes e un despois na
estación de montaña de Cabeza de Manzaneda, unha infraestrutura deportiva na
que se traballa tamén pola desestacionalización para diversificar a súa oferta
de ocio e natureza, ademais de nos meses de inverno, ao longo de todo o ano”.
Baltar considera que a “firme aposta da Deputación de Ourense, da man da Xunta
de Galicia, por modernizar esta infraestrutura, singular no noroeste da
Península Ibérica contribuirá a atraer maior competitividade para Manzaneda,
Trives e toda esta contorna da provincia, favorecendo un tipo de turismo de
calidade ao redor da natureza e o deporte”.
Impulsarase o seu papel
fóra de tempada alta, un dos obxectivos marcados na Estratexia do turismo de
Galicia 2020, o documento consensuado co sector que fixa as liñas de traballo
cara ao Xacobeo 2021 e que consolida o papel de Galicia como destino atractivo,
de calidade, responsable e comprometido.
http://ocahotels.com/hoteles/espana/ourense/pobra-de-trives/oca-manzaneda/#
Si desexa facer algún comentario poder enviar un correo a celso.delgado@congreso.es
Recibirá resposta
Si desexa facer algún comentario poder enviar un correo a celso.delgado@congreso.es
Recibirá resposta
