Onte finalizou en Bruxelas o Consello Europeo dos días 22 e 23 de xuño
de 2017 adoptando unhas Conclusións sobre: seguridade e defensa, o Acordo de
París sobre o cambio climático, a economía, a migración e Europa dixital.
Nunha rolda de prensa o presidente Mariano Rajoy
destacou a "maior estabilidade" en que se desenvolveu a cita, xa que
están a mellorar tanto a economía como a confianza no proxecto europeo.
"Houbo un alto nivel de debate, pero tamén de eficacia na resolución dos
temas. A crise económica e os seus efectos sobre o proxecto europeo van
quedando cada vez máis atrás, a economía recupérase e a Unión Europea avanza, e
con iso avanza tamén a confianza dos cidadáns nun futuro mellor",
asegurou.
Informou que os traballos deste Consello Europeo
estiveron guiados polo obxectivo da protección dos cidadáns e a atención ás
súas inquietudes e necesidades.
Explicou que, os xefes de Estado e de Goberno
reafirmaron o empeño en loitar contra o terrorismo a través dunha maior coordinación.
En concreto, impulsouse a creación de mecanismos de control das persoas que
entran e saen da Unión, as bases de datos necesarias para iso e os métodos
automatizados para autorizar unha viaxe a un territorio europeo.
Ademais, para combater o terrorismo en orixe,
propúxose intensificar os recursos na loita contra a radicalización e reclamar
o apoio da industria de acceso a Internet e os seus provedores de contidos. A
iniciativa de España, dedicouse especial atención ás vítimas, con iniciativas como
a elaboración dunha Carta Europea de Dereitos das Vítimas que reforce a súa
protección en toda a UE.
As cuestións relacionadas coa defensa e a seguridade
exterior da Unión abordáronse tamén en profundidade durante o Consello. Rajoy
expuxo que a Europa da Defensa é un dos ámbitos onde máis pode progresar a
integración europea. España, engadiu, é un dos principais impulsores desta
política, como reflicte o que sexa o primeiro contribuínte ás operacións
militares da Unión Europea.
O xefe do Executivo expresou a súa satisfacción por
que o Consello "unha axenda definida para poder lanzar a cooperación
estruturada permanente nun prazo razoable". Ademais, cualificou de
"feito histórico" a implicación da Comisión Europea nos asuntos de
defensa a través do Fondo Europeo de Defensa.
No ámbito económico, o presidente subliñou que o
ambiente é de "maior optimismo" e que todos os países da UE están a
saír da crise cun crecemento que, no caso de España, "é singularmente
robusto".
Neste sentido, subliñou que España recibiu este ano
tres recomendacións, unha menos que en 2016 e tamén por baixo das dirixidas a
países como Francia, Italia ou Portugal. "O menor número e o contido
continuista das recomendacións reflicten o xiro de 180 graos que experimentou a
economía española",dixo. Ao seu xuízo, os datos deste ano confirman a
"puxanza da recuperación": España segue liderando o crecemento na UE,
no primeiros cinco meses do ano creáronse case 500.000 empregos e as
exportacións de bens creceron un 9,8% ata abril.
O comercio internacional e o mercado interior son os
dous grandes temas económicos que se abordaron. Respecto ao primeiro, o
Consello reiterou o seu convencemento de que contribúe á creación de riqueza e
ao emprego, polo que é necesario promovelo e combater o proteccionismo. Esa
apertura debe darse en condicións de igualdade, segundo recollen as conclusións
do cume. España tamén avogou por avanzar nas negociacións con Mercosur e con
México.
En canto ao mercado interior, repasáronse os avances
nos ámbitos da unión da enerxía, o mercado dixital e o de capitais. Rajoy
propuxo aumentar as interconexións porque iso "significa enerxía máis
segura e máis barata, pero tamén poder ter un maior grao de ambición en
relación ás enerxías renovables". E felicitouse polo impulso que se deu á
dixitalización en todas as súas facetas, desde os mercados e as infraestruturas
á ciberseguridad e os aspectos sociais e culturais.
Outro reto fundamental que analizou este Consello
Europeo é a política migratoria. Rajoy defendeu a política "que vimos realizando
cos nosos socios e que deu resultados positivos", baseada no
desenvolvemento dos países de orixe e tránsito e na loita contra as
organizacións que trafican con persoas.
En canto á reforma do sistema europeo común de asilo,
propugnou que a futura regulación teña en conta o labor que realizan os estados
membros que, como España, invisten esforzos na vixilancia da fronteira exterior
da Unión.
Sobre o Brexit puntou Rajoy, que a primeira ministra británica,
Theresa May, anunciou que presentará a próxima semana unha proposta sobre os
dereitos dos cidadáns tras a saída do Reino Unido da Unión.
"Congratulámonos de que se estea dando prioridade aos cidadáns, tal e como
España veu defendendo desde o principio do proceso. Analizaremos con detalle a
proposta británica para atopar a fórmula máis beneficiosa para os nosos
cidadáns", dixo Rajoy, quen mantivo un encontro con May durante o
Consello.
O xefe do Executivo sinalou a necesidade de avanzar
noutros dous asuntos antes de entrar nunha segunda fase na que se negociará a relación
futura da UE co Reino Unido: a achega económica deste país á Unión e o caso
irlandés.
Doutra banda, os Vinte e sete reuníronse co
negociador xefe para o 'Brexit', Michel Barnier, para intercambiar impresións
sobre a primeira rolda de negociacións, que se iniciou o pasado luns. Ademais,
adoptaron unha proposta conxunta dos presidentes do Consello Europeo e da
Comisión Europea, Donald Tusk e Jean-Claude Juncker, respectivamente, sobre o
procedemento relativo á recolocación da Axencia Europea de Medicamentos e a
Autoridade Bancaria Europea, cuxas sedes se atopan actualmente no Reino Unido.
A Comisión, sinalou Rajoy, analizará as distintas
candidaturas con arranxo a criterios obxectivos e a decisión tomarase en
novembro. O presidente español mostrouse convencido de que Barcelona
"reúne as mellores condicións" para albergar a Axencia Europea de
Medicamentos, "sobre todo para garantir que as actividades da Axencia non
se resintan polo traslado".
Si desexa facer algún comentario poder enviar un correo a celso.delgado@congreso.es
Recibirá resposta
