Recibo en
Madrid a boa nova de que hoxe tivo lugar
unha reunión do Comité de cooperación permanente Deputación-Concello de Ourense
na que o presidente do goberno provincial, Manuel Baltar e o alcalde de
Ourense, Jesús Vázquez desbloquearon 25 proxectos do Plan de Investimentos da
cidade, cun importe total de 10.272.950,77 euros.
Unha
colaboración que permitirá afrontar, neste exercicio económico e tamén no
vindeiro (2017-2018), a contratación e execución dos citados investimentos,
todos eles solicitados por asociacións veciñais da cidade. O confinanciamento
entre ambas administracións permite que este prazo se amplíe ao vindeiro ano, algo
que ambos subliñaron como “clave” para poder sacar adiante estas obras, tendo
en conta que sen ese confinanciamento todas as obras terían que estar
adxudicadas e executadas durante 2017.
O
presidente do goberno provincial destacou que a achega económica da Deputación
de Ourense é “unha cifra pequena en comparación co montante
global do plan de obras do Concello de Ourense, pero é unha cifra moi necesaria
porque sen ese cofinanciamento non se podería executar ningunha das actuacións
previstas no plan, que son moi destacadas e froito das demandas e da
participación cidadá”.
O alcalde,
Jesús Vázquez, lembrou que xa en 2015 se articulou este mecanismo de
colaboración coa Deputación para poder executar o Plan de Obras herdado do
anterior goberno municipal, “cando ninguén apostaba que puidésemos sacalo
adiante, e aí están a rúa Concello ou a Pasarela do Barbaña, por citar algunhas
das obras que conseguimos adiante gracias á Deputación, institución é que lle
agradezo novamente o seu esforzo”.
Celebrar este apoio da Deputación de Ourense que permitirá desbloquear a execución do Plan de Obras do Concello de Ourense.
Si desexa facer algún comentario poder enviar un correo a celso.delgado@congreso.es
Recibirá resposta
