Na inauguración da nova Liña de Alta Velocidade (LAV) Valladolid-Palencia-León

Participo hoxe na miña condición de Presidente da Comisión de Fomento  na viaxe inaugural da nova Liña de Alta Velocidade (LAV) Valladolid-Palencia-León.

O tren, no que viaxaban como primeiras autoridades o presidente do Goberno, Mariano Rajoy, a ministra de Fomento, Ana Pastor  partiu da estación madrileña de Chamartín aos 9.27 minutos da mañá, tres minutos antes do previsto; ás 10.22, o AVE chegou a Valladolid onde se uniron varias autoridades encabezadas  polo presidente Juan Vicente Herrera. 

Ás 10.48 horas, o tren entrou en Palencia, onde Rajoy foi recibido polo alcalde, Alfonso Polanco. Alí descubriu unha placa conmemorativa da chegada do AVE á capital palentina. 

Tres minutos antes do mediodía, o AVE chegou á estación de León.  En presenza das autoridades locais, Mariano Rajoy descubriu outra placa conmemorativa antes dos discursos oficiais a cargo do alcalde da cidade, Antonio Silván, do presidente da Xunta, Juan Vicente Herrera Herrera e do propio Rajoy.

O presidente do Goberno afirmou que os trens de alta velocidade son sempre "sinónimo de crecemento, prosperidade, emprego e futuro" E destacou a importancia das liñas de alta velocidade porque "cada novo AVE representa un novo vector para o crecemento e o emprego, garante o dereito á mobilidade das persoas, cohesiona e articula o noso país e redunda na igualdade de oportunidades de todos".

Rajoy dixo que o AVE a León é "unha das nosas grandes infraestruturas", que "envía ao mundo unha mensaxe poderosa sobre España, o dun país tan solidario como innovador e vangardista".

Explicou que as dificultades económicas dos últimos anos obrigaron a "extremar a prudencia no gasto" e a priorizar infraestruturas como a que se inaugurou hoxe, xa que os seus custos "ven compensados polo enorme beneficio económico e social que traen consigo".

Rajoy subliñou  que a entrada en servizo desta nova liña de AVE coloca a León en "un espazo de centralidade nunha España máis e mellor vertebrada". A partir de agora, a capital leonesa estará mellor comunicada non só con Palencia, Valladolid, Segovia ou Madrid, senón que tamén establecerá novas conexións con Asturias, Cantabria e o País Vasco. Desta forma, engadiu, beneficiarase "un público potencial de once millóns de persoas en catro comunidades autónomas".
Ademais agradeceu o traballo que realizaron todos os que participaron na construción do AVE a León, destacando o esforzo de dirixentes políticos como José María Aznar e José Luís Rodríguez Zapatero.

Rajoy lembrou que desde 2012 puxéronse en servizo 360 quilómetros de alta velocidade que uniron cidades como Albacete-Alacante, Barcelona-Figueras ou Vigo-Santiago: "Os grandes esforzos realizados pronto han de dar os seus froitos noutras cidades como Zamora, Burgos, Murcia, Castelló e Granada".  En opinión do xefe do Executivo, o AVE é "sinónimo de crecemento, prosperidade, emprego e futuro".

A nova conexión- deseñada para a circulación de trens a unha velocidade máxima de 350 km/h - en cuxa construción investiu o Goberno de España 1.620 millóns de euros  ampliou en 166 quilómetros a rede de alta velocidade española e supón a continuación da liña Madrid-Segovia-Valladolid, en servizo desde 2007, cara ao norte e noroeste da península, contribuíndo á vertebración social e económica dos territorios que atravesa.

A posta en explotación da liña representa a inclusión das capitais de Palencia e León no mapa da alta velocidade española. Ademais, favorecerá as conexións cara a Asturias (por León), Cantabria (por Palencia) e Burgos e País Vasco (por Venta de Baños).

Coa posta en servizo da nova LAV, o mellor tempo de viaxe entre Madrid e León
quedará ao redor de 2 horas e 6 minutos (o que supón un aforro de 44 minutos respecto ao mellor tempo actual), e entre Madrid e Palencia en 1 hora e 23 minutos (aforro de 21 minutos respecto ao mellor tempo actual).

Tamén se benefician destes notables aforros de tempo as conexións entre Asturias e Madrid, que se acurta en 30 minutos e entre Cantabria e Madrid, que melloran en 22 minutos. Así, coa entrada en servizo da nova conexión de alta velocidade Valladolid-León, a viaxe entre Oviedo e Madrid realízase en 4 horas e 2 minutos, e entre Santander e Madrid en 3 horas e 53 minutos.

A nova conexión servirá tamén para mellorar notablemente os tempos de viaxe entre Valladolid e Palencia, que quedan a 27 minutos, Valladolid e León. conectadas en 1 hora y 10 minutos, e Palencia y León, en 43 minutos.

Si desexa facer algún comentario poder enviar un correo a celso.delgado@congreso.es 
Recibirá resposta

Con la tecnología de Blogger.