Acabo de coñecer a moi triste noticia do falecemento
do Presidente Adolfo Suarez.
Un gran político centrista que da man do Rei Juan Carlos dirixiu a transición desde o
réxime franquista sen continuismos, e sen unha ruptura traumática.
Protagonizó en medio de enormes dificultades, unha exemplar transformación democrática a través dun proceso de reformas con orde e liberdade. O consenso foi sempre a súa guía.
As eleccións de 15 de xuño de 1977 deron á UCD que presidía, o 35 % dos votos
(6.220.889) e 165 escanos. O partido socialista contou co respaldo do 29 % dos
votos chegando a obter 118 deputados.
A partir deste momento a UCD de Adolfo Suárez dirixiu a colosal operación
política de cambio das institucións do Estado con prudencia, serenidade,
moderación e firmeza dotando a España dunha Constitución de concordia, que foi
ratificada en referendo o 6 de decembro de 1978.
Con Suárez, España paosu dun estado centralizado a un
estado autonómico con respeto as nacionalidades e rexións que a conforman. Lembrar
que Galicia acadou na sua estapa a autonomía coa aprobación en 1980 do seu Estatuto.
Eu fun un dos moitos españois seducidos pola súa figura e polo ideario político
da UCD que agora recordo:
- A persoa no exercicio da súa liberdade, é o obxectivo primario de toda acción
política.
- Promoción e defensa da democracia e do Estado de Dereito.
- Concepción liberal e pluralista da vida e da cultura.
- Proclamación e asunción dos valores humanistas da ética de tradición cristiá.
- Adopción dun sistema de economía social de mercado garantindo a xustiza e a
igualdade social.
As súas decisións claramente aperturistas e democráticas, moderadas e ao tempo
audaces, leváronme a que me afiliase ás mocidades de UCD en 1978. Era entón un
mozo estudante de Dereito na universidade de Santiago de Compostela.
l
Con Adolfo Suárez, naceron as miñas inquietudes políticas e foi, e seguirá
sendo un referente de como debe facerse a política con maíusculas.
Descanse en paz.
Si desexa facer algún comentario poder enviar un correo a celso.delgado@congreso.es
Recibirá resposta.