Trátase da firma dun convenio de colaboración interinstitucional que posibilitará a celebración de TERMATALIA 2014 en Arxentina, e que terá lugar do 1 ao 4 de outubro en Termas de Río Hondo, capital termal de América Latina.
O convenio foi rubricado polo ministro de Turismo da República de Arxentina, Enrique Meyer e o director gerente de Expourense, Alejandro Rubín, por delegación do Padroado da Fundación de Feiras e Exposicións de Ourense.
A este acordo sumouse tamén o
gobernador da provincia de Santiago do Estero, Gerardo Zamora, onde se sitúa a
cidade de Termas que será sé da feira internacional, e as patronais do sector
turístico deste país. Roberto Brunello, por parte da FEHGRA (Federación de
Empresarios de Hotelería Gastronómica da República Arxentina) e Óscar Guezzi,
presidente da CAT (Cámara Arxentina de Turismo) servirán de plataforma
empresarial para o desenvolvemento do evento.
Desde logo é todo un éxito para Expourense, que asegura que o seu gran proxecto feiral internacional, teña continuidade nunha nova edición e que volva a servir de ponte ao termalismo de Europa e América Latina.
Os meus parabens a Expourense, e moi especialmente a Alejandro Rubín, por construír co incansable traballo de varios anos, estas excelentes relacións con Latinoamérica e moi en especial con Arxentina.
E por seguir creando novas oportunidades de negocio para as empresas e proxectando a imaxe de Galicia e de Ourense como destino termal de referencia.
Si desexa facer algún comentario poder enviar un correo a celso.delgado@congreso.es
