lunes, 27 de agosto de 2012

Visita o viaduto sobre o Rio Arnoia da liña de AVE a Galicia

Na mañá de hoxe despráceime a Baños de Molgas e forméi parte como presidente da Comision de Fomento do Congreso, do grupo de persoas que acompañaron á ministra Ana Pastor á visitar as obras de construción do viaduto sobre o Rio Arnoia, integrado no tramo de alta velocidade  Miamán-Ponte Ambía, de 6,7 km de lonxitude. Son unhas obras de plataforma que contan cun orzamento de 75,9 millóns de euros.

Recibimos explicacións sobre  a evolución das obras e o avance conforme ao ritmo previsto deste viaduto que ten unha lonxitude de 1.014 m e que salva o río Arnoia mediante un arco ojival de formigón, así como o cruzamento coa liña férrea convencional Zamora-A Coruña, neste caso por medio de pilas tipo pórticos.

Ademais do viaduto de Arnoia, o tramo Miamán-Ponte Ambía presenta como estruturas singulares os viadutos de Miamán (177 m), para salvar o val orixinado polo Regueiro de Porro, e de Bouzas (216 m), sobre o val polo que discorre o Regueiro de Bouzas; o túnel de Bouzas (852 m), que xa foi calado o pasado mes de abril, e outros dous viadutos para salvar a liña de ferrocarril convencional.
 
No devandito acto e a preguntas dos xornalistas, a ministra informou que o corredor ferroviario de alta velocidade Madrid-Galicia experimentou un  gran impulso nas últimas semanas coa adxudicación da construción de seis novos tramos de plataforma no segmento Lubián-Ourense, por importe conxunto de máis de 584,1 millóns de euros, o que pon de manifesto o firme e decidido compromiso do Goberno coa conexión de alta velocidade entre Galicia e a capital de Estado no menor prazo tecnicamente posible.

Publicado por a las