martes, 3 de julio de 2012

Rajoy: "Non hai lugar para o desalento cando nas nosas mans está o dar a volta á situación e volver ser un país de éxito"


En Sevilla, onte celebrouse unha reunión da Xunta Directiva do Partido Popular na que o presidente Mariano Rajoy expresou no seu discurso unhas mensaxes que convén destacar:


"O mellor traballo que podemos facer como partido é estar moi preto de quen peor o están pasando e  facerlles chegar unha mensaxe: todo o que fai o  Goberno é necesario e imprescindible para non  desviarnos do camiño da saída da crise"


"Todas as medidas e reformas resúmense nun  só obxectivo capital: que España volva crecer e a crear  emprego"


"Ninguén pode dubidar do noso compromiso coa  redución do déficit público. É unha convicción e unha  cuestión de xustiza cara a todas as familias e empresas  que levan anos apertándose o cinto"


"Agora toca pisar o acelerador. Imos facer  moitas máis cousas para saír adiante grazas ao  esforzo de todos e en beneficio de todos"


"Non chegamos a esta situación por casualidade nin  por mala sorte, senón porque non se fixeron ben as  cousas. Sábeno todos, ata os que protestan polas  decisións do Goberno"


"As CCAA están facendo un gran esforzo, e o  Goberno estaas axudando, pero nos próximos  meses terán que facer un esforzo aínda maior"


"Non hai lugar para o desalento cando nas nosas  mans está o dar a volta á situación e volver ser un país de éxito"


Tras o último Consello Europeo: "Europa é hoxe máis  Europa que onte. Hoxe temos unha Europa máis  forte, máis integrada e máis consciente de que  avanzamos xuntos por un camiño que non ten volta  atrás"


"A redución do déficit e a estabilidade  orzamentaria; as reformas estruturais e un  sistema financeiro solvente e capitalizado son os tres  alicerces sobre os que alzaremos a economía do  mañá"


Sobre a Lei de pago a provedores: "É un principio  básico de xustiza, de moral, decencia e sentido común  pagar o que debes. Pido ás Administracións que  non contraten aquilo que non poden pagar"