Hoxe estiven na Coruña na toma de posesión de Samuel Juárez como delegado do Goberno en Galicia.
No seu discurso, o novo delegado do Goberno, dixo que hai que reforzar e revisar a fondo o papel das administracións para mellorar en transparencia, evitar duplicidades, axilizar trámites e cuestionar vicios adquiridos.
Pola súa banda a ministra de Fomento, Ana Pastor, ratificou o seu compromiso coas infraestruturas galegas e afirmou que Galicia estará na primeira división do transporte viario, ferroviario, portuario e aeroportuario á vez que anunciou que se reunirá nos próximos días con todos os partidos políticos a nivel estatal e galego para dicirlles como está a situación e mellorar proxectos de futuro.
Pechou o acto o presidente da Xunta que entre outros mensaxes propuso fixar unha axenda de asuntos prioritarios co Goberno central no primeiro trimestre do ano para o que resta de lexislatura autonómica co Goberno central.
