Hoxe, por fin, compareceu o ministro de Fomento na Comisión do mesmo nome do Congreso.
Estiven presente a caron do noso voceiro e por elo teño que expresar o meu disgusto e preocupación ante as previsións para Galicia que José Blanco expresou.
É lamentable que Blanco, quen fai unhas semanas presumía de que Galicia non vería rescindida ningunha obra, agora tome a decisión de forma unilateral de cancelar dúas delas relativas á Autovía Ourense-Lugo, A-56, esencial para a vertebración do interior de Galicia entre ambas cidades.
Do mesmo xeito, non é de recibo que o ministro de Fomento ocultase ao Congreso información, posto que non acudiu á cita coa relación de obras galegas afectadas pola ‘reprogramación’ do seu departamento, que conlevará un retraso de un a catro anos e que afectaría aos proxectos con obras en estado avanzado de execución.
Tendo en conta os retrasos acumulados nos últimos anos dos proxectos galegos a causa da neglixencia e do abandono dos socialistas no Goberno central, estas manifestacións de José Blanco son moi alarmantes e só engadirian máis atrasos sobre os xa acumulados.
Ademais non é de recibo remitirnos como fixo Blanco, ó anexo de investimentos do próximo proxecto de presupostos xerais do Estado para 2011, para coñecer as reprogramacións.
Tamén é criticable que o ministro non dese a coñecer a relación dos proxectos a incluír no Plan Extraordinario de Infraestruturas.
Ademais é sorprendente que ás preguntas a Blanco por parte dos populares este non fora quen de dar un prazo de posta en servizo para a Autovía do Cantábrico, nin para a de Santiago-Lugo, para a A-57-conexión A-52 Pontevedra, para A-76, ou para a terceira ronda de A Coruña, entre outras.
Do mesmo xeito, critico que o ministro afirmase que non vai facer a conexión por AVE entre Monforte-Valdeorras e Ponferrada, nin tampouco o AVE do Cantábrico, sen plantexar ningunha alternativa a estas supresións e que non concretase avances na conexión por AVE entre Ferrol e A Coruña, Ourense e Vigo e Ourense e Lugo, e que tampouco despexara ningunha incógnita sobre a conexión de Galicia con Portugal.
