O Servizo Público de Emprego Estatal (SEPE) difundiu onte os datos oficiais de paro rexistrado correspondentes ao mes de xuño de 2026.
Galicia
O mercado laboral galego acaba o mes de xuño con 105.768 persoas paradas baixando en relación co mes anterior en - 3.587 persoas (-3,28 %)), cun mellor comportamento cá media estatal (-1.24 %). É o nivel de desemprego máis baixo de toda a serie histórica
Na comparativa interanual, o paro baixou en -1.486 persoas (-1,39%). Presente en todos os sectores de actividade, liderando a baixada a construción (-8,56 %), seguida do sector primario (-5,07 %), da industria (-3,03 %) e, por último, dos servizos (-1,96 %).
No que respecta aos colectivos prioritarios, tanto no caso das mulleres como no dos parados de longa duración rexístrase a cifra máis baixa de desemprego de toda a serie (maio 2005). No caso das mulleres desempregadas a redución anual é de case 1.000 persoas (-1,58 %) e no dos parados de longa duración a baixada é de preto de 800 (-1,42 %).
Ourense
Baixa o paro rexistrado en xuño na provincia de Ourense en relación co mes anterior en -455 persoas, un -3,38 %.
O número de parados queda en 12.998 deles 5.266 son homes e 7.732 mulleres, 12.318 son maiores de 25 anos e 680 menores.
Por sectores, 542 son da agricultura, 1.276 da industria, 729 da construción, 8.776 dos servizos e 1.675 do colectivo sen emprego anterior.
Na comparativa interanual, o paro medrou en 34 persoas (0,26 %).